புதிய எச்-1பி மசோதாவால் அதிகம் பாதிக்கப்படபோவது 'இன்போசிஸ்'..!

A Oneindia Venture

Get Updates

Get notified about market trends, financial advice, and investment tips!

Sensex 76,863.71 -1.72% ↓ Nifty 23,850.60 -1.69% ↓ 22k Gold ₹ 14,970/gm Silver ₹ 2,90,000/kg Petrol ₹ 103.54 Diesel ₹ 90.03 Crude Oil $ 91.09 USD ₹ 92.02

புதிய எச்-1பி மசோதாவால் அதிகம் பாதிக்கப்படபோவது 'இன்போசிஸ்'..!

புதிய மசோதாவால் அதிகம் பாதிக்கப்படப்போகும் டாப் 10 நிறுவனங்கள்.

By Prasanna Vk

Updated: Monday, February 6, 2017, 10:59 [IST]

டொனால்டு டிரம்ப் தலைமையிலான அமெரிக்க அரசு அந்நாட்டு நாடாளுமன்றத்தில் எச்-1பி விசா மசோதாவை தாக்கல் செய்து முழுமையாக ஒப்புதல் அளிக்கப்படாத நிலையிலேயே இந்திய ஐடி நிறுவனங்கள் ஆட்டம் கண்டுள்ளது.

இப்புதிய மசோதாவில், இனி எச்-1பி விசா பெற ஒரு நிறுவனத்தின் ஊழியர் குறைந்தபட்சம் சம்பளம் அளவு 1,30,000 டாலராக இருக்க வேண்டும் எனக் குறிப்பிடப்பட்டுள்ளது. இதனால் இந்திய ஐடி நிறுவனங்கள் இப்பிரச்சனையை எப்படிச் சமாளிப்பது எனத் தெரியாமல் குழப்பத்தில் ஆழ்ந்துள்ளது.

இந்தப் புதிய மசோதாவால் அதிகம் பாதிக்கப்படப்போகும் நிறுவனங்கள் யாவை..? அதன் ஊழியர்களுக்கு அளிக்கப்படும் சம்பளம் எவ்வளவு..? என்பதைத் தான் இப்போது பார்க்கப்போகிறோம்.

மசோதா

அமெரிக்கா நாடாளுமன்றத்தில் கலிபோர்னியா மாகாணத்தைச் சேர்ந்த நாடாளுமன்ற உறுப்பினர் சோயி லோபெரென் ‘High-Skilled Integrity and Fairness Act of 2017' என்ற மசோதாவைத் தாக்கல் செய்தார். தற்போது அதிபராக இருக்கும் டொனால்டு டிரம்ப் குடியரசு கட்சியைச் சார்ந்தவர், சோயி ஜனநாயக கட்சியைச் சார்ந்தவர் (ஓபாமா கட்சி உறுப்பினர்.)

200 சதவீத அதிகச் சம்பளம்

மேலும் இந்த மசோதாவில் நிறுவனம் 200 சதவீதம் அதிகச் சம்பளம் வழங்கினால் ஊழியர்களுக்கு எவ்விதமான தடையுமின்றி எச்-1பி விசா வழங்கலாம் எனவும் தெரிவிக்கப்பட்டுள்ளது.

இரட்டிப்பு அளவு..

1989ஆம் ஆண்டு முதல் எச்-1பி விசா பெற வேண்டும் என்றால் ஒருவர் குறைந்தபட்சம் 60,000 டாலர் சம்பளத்தை நிறுவனம் அளிக்க வேண்டும். இன்று வரை அதேசட்டம் தான் நடைமுறையில் உள்ளது குறிப்பிடத்தக்கது. தற்போது இதன் அளவை 1,30,000 டாலராக உயர்ந்து மசோதாவில் வலியுறுத்தப்பட்டுள்ளது.

மேலும் ஒரு நாட்டுக்குக் குறிப்பிட்ட அளவிற்குத் தான் எச்-1பி விசா அளிக்க வேண்டும் என்று தற்போது இருக்கும் கட்டுப்பாடுகளில் ஒன்றாக உள்ளது. இக்கட்டுப்பாடு புதிய மசோதாவில் நீக்கப்பட வாய்ப்புள்ளதாகத் தெரிகிறது.

இப்புதிய மசோதா நடைமுறைக்கு வந்தால் இந்தியாவில் இருந்து இனி எத்தனை பேர் வேண்டுமானாலும் அமெகரிக்கா செல்ல முடியும், ஆனால் இதற்குச் சம்பள வரைமுறை உள்ளது.

பாதிப்பும் சம்பளமும்..

இப்புதிய மசோதாவால் அதிகம் பாதிக்கப்படும் நிறுவனங்கள் மற்றும் அதன் ஊழியர்களுக்கு அளிக்கப்படும் சம்பள அளவுகளைப் பார்க்கலாம்.

தற்போது அளிக்கப்படும் சம்பளத்தைப் பார்த்தாலே தெரியும் இந்தியா ஐடி நிறுவனங்கள் எந்த அளவிற்குப் பாதிக்கப்படப் போகிறது என்று.

மேலும் இங்கு நிறுவனங்கள் எவ்வளவு ஊழியர்களை அமெரிக்காவில் பணியில் அமர்த்தியுள்ளது என்ற தகவல்களும் அடங்கி Labor Condition Application (LCA) எண்ணிக்கையும் அளிக்கப்பட்டுள்ளது.