நாட்டின் முன்னணி பொதுத்துறை வங்கிகளில் ஒன்றான ஸ்டேட் பாங்க் ஆஃப் இந்தியா டிசம்பர் 31ஆம் தேதி முடிவடைந்த காலக்கட்டத்தில் இதன் லாப அளவுகள் சுமார் 134 சதவீதம் வரை உயர்ந்துள்ளது.

இதன் மூலம் அக்டோபர் - டிசம்பர் வரையிலான காலத்தில் மட்டும் இவ்வங்கி சுமார் 2,610 கோடி ரூபாய் அளவிலான லாபத்தை பெற்றுள்ளது. கடந்த நிதியாண்டில் இதன் லாபம் 1,115 கோடி ரூபாய் இருந்தது குறிப்பிடத்தக்கது.

மேலும் ஸ்டேட் பாங்க் ஆஃப் இந்தியாவின் மொத்த வட்டி வருமானம் 8 சதவீதம் அதிகரித்து 14,751.54 கோடி ரூபாயாக உள்ளது, அதேபோல் பிற பிரிவின் வருமானத்தின் அளவு 59 சதவீதம் உயர்ந்து 9,662 கோடி ரூபாய் பெற்றுள்ளது.

இவ்வங்கியின் வராக் கடன் அளவு 72,792 கோடசி ரூபாயில் இருந்து நடப்பு நிதியாண்டின் டிசம்பர் காலாண்டின் முடிவில் 1,08,172 கோடி ரூபாயாக உயர்ந்துள்ளது.

இதன் மூலம் வராக் கடன் மதிப்பு 7.23 சதவீதம் வரை அதிகரித்துள்ளதுள்ளது.

இதனுடன் பணமதிப்பிழப்பு காரணமாக இவ்வங்கியின் வைப்பு நிதியின் அளவு 22 சதவீதம் அதிகரித்துள்ளது.