பங்குச்சந்தையில் ஸ்னாப்சாட்

பல முக்கிய ஆலோசனைகளுக்கு அமெரிக்காவின் முன்னணி டெக் நிறுவனங்களில் ஒன்றாக இருக்கும் ஸ்னாப்சாட் பங்குச்சந்தையில் இறங்க முடிவு செய்தது.

இதன் படி 2017ஆம் ஆண்டில் நியூயார்க் பங்குச்சந்தையில் முதன் முதலாகப் பட்டியலிடப்படும் ஸ்னாப்சாட் என்பதால் முதலீட்டாளர்கள் மத்தியில் மிகப்பெரிய அளவிலான வரவேற்பு கிடைத்துள்ளது.

அறிமுக விலை

ஸ்னாப்சாட் செயலியின் ஆஸ்தான நிறுவனமான ஸ்னாப் இன்க் நியூயார்க் பங்குச்சந்தையில் ஐபிஓ-வில் பட்டியலிடப்படும் நிலையில் ஒரு பங்கின் விலை 17 டாலர் என்ற அடிப்படையில் இந்நிறுவனத்தின் மதிப்பு 23.8 பில்லியன் டாலர் வரை மதிப்பிடப்பட்டுள்ளது.

விற்பனை

அமெரிக்கப் பங்குச்சந்தையில் பட்டியலிடப்பட்ட ஸ்னாப் நிறுவனத்தின் 200 மில்லியன் பங்குகள் 17 டாலருக்கு விற்பனை செய்யப்பட்டுள்ளது. இதில் பெரும்பாலான பங்குகள் மியூச்சுவல் பண்ட் நிறுவனங்களால் நீண்ட கால முதலீட்டு நோக்கில் பெற்றுள்ளது.

ஈவன் ஸ்பீஜெல்

சந்தையில் இந்நிறுவனத்திற்குக் கிடைத்ததை மிகப்பெரிய வரவேற்பினால் இந்நிறுவனத்தின் நிறுவனர்களான ஈவன் ஸ்பீஜெல் மற்றும் முர்பி அவர்களின் மதிப்பு கணிப்புகளை விடவும் 1.7 பில்லியன் டாலர் அதிகமாகப் பெற்றனர்.

இன்றைய நிலையில் ஈவன் ஸ்பீஜெல்-இன் மொத்த சொத்து மதிப்பு 4.5 பில்லியன் டாலர்.

சரியான தேர்வு..

இன்றைய நிலை வரை ஸ்னாப்சாட் லாபம் பெற வில்லை என்றாலும் தொடர்ந்து வர்த்தகமும், வருவாயும் அதிகரித்து வருகிறது.

மேலும் தற்போதைய சந்தை நிலையை வைத்துப் பார்க்கும் போது 2020ஆம் ஆண்டு வரையில் இந்நிறுவனத்திற்குப் பெரிய அளவிலான நஷ்டம் இருக்காது என அமெரிக்கப் பங்குச்சந்தை வல்லுனர்கள் தெரிவித்துள்ளனர்.

இதன் மூலம் ஸ்னாப்சாட் நிறுவனம் சரியான நேரத்தில் பங்குச்சந்தையில் குதித்துள்ளது என அனைத்துப் பிரிவினர்களும் பாராட்டி வருகின்றனர்.

பேஸ்புக்

பங்குச்சந்தையில் ஸ்னாப்சாட் பட்டியலிடப்பட்டுள்ளதால், பேஸ்புக் நிறுவனத்திற்கு எந்த அளவிற்குப் பாதிப்பு ஏற்படும் என ஆராய்ந்த போது. சந்தை வல்லுனர்கள் மிகப்பெரிய அளவிலான பாதிப்புகள் ஏதும் இருக்காது எனத் தெரிவித்துள்ளனர்.

26 வயது

4.5 பில்லியன் டாலர் சொத்து மதிப்புடைய ஈவன் ஸ்பீஜெல்-இன் வயது 26 என்று நினைக்கும் போதும் ஆச்சரியமாக இருக்கிறது.