நிதியமைச்சகம்

இந்த வருடம் வரி வசூல் அளவு 17.10 லட்சம் கோடி ரூபாயாக உயர்ந்துள்ளது. கடந்த நிதியாண்டு உடன் ஒப்பிடுகையில் இது 18 சதவீதம் அதிகமாகும். அதுமட்டும் அல்லாமல் இது கடந்த 6 வருடத்தில் அதிகமானது என்று வருவாய் துறை செயலாளர் ஹஷ்முக்த் ஆதியா தெரிவித்துள்ளார்.

நேரடி வரி, மறைமுக வரி

ஏப்ரல்-மார்ச் மாத காலத்தில் நேரடி வரி வசூல் 14.2 சதவீதம் உயர்ந்து 8.47 லட்சம் கோடியாகவும், மறைமுக வரி வசூல் அளவு 22 சதவீதம் அதிகரித்து 8.63 லட்சம் கோடி ரூபாயாகவும் உயர்ந்துள்ளது.

இலக்கு

நேரடி வரி, மறைமுக வரி ஆகிய இரண்டிலும் மத்திய அரசு 2016-17 நிதியாண்டில் 100 இலக்கை அடைந்துள்ளது.

கார்பரேட் வரி வசூலில் 13.1 சதவீத உயர்வும், தனிநபர் வருமான வரி வசூலில் 18.4 சதவீத உயர்வும் எட்டியுள்ளது நிதியமைச்சகம்

ரீபண்ட் தொகை

அதேபோல் இந்த வருடம் கணக்காளர்களுக்குத் திரும்பி அளிக்கப்படும் தொகையில் அளவு 32.6 சதவீதம் அதிகரித்து 1.62 லட்சம் கோடி ரூபாயாக உயர்ந்துள்ளது என்றும் நிதியமைச்சகம் வரி வசூல் தொடர்பான அறிக்கையில் குறிப்பிட்டுள்ளது.

மறைமுக வரி

மறைமுக வரியின் கீழ் மத்திய கலால் வரி வசூலின் அளவு 33.9 சதவீதம் உயர்ந்து 3.83 லட்சம் கோடியாகவும், சேவை வரி 20.2 சதவீதம் உயர்ந்து 2.54 லட்சம் கோடியாகவும், சுங்க வரி 7.4 சதவீதம் உயர்ந்து 2.26 லட்சம் கோடி ரூபாயாக உள்ளது.