இந்தியா 7.2% அளவிற்கு வளர்ச்சி அடையும்.. ஐஎம்எப் நம்பிக்கை..!

2017-18 நிதியாண்டில் உலகில் வேகமாக வளர்ச்சி அடையும் நாடுகளில் இந்தியா முக்கிய இடத்தைப் பிடித்துள்ளது. இதுமட்டும் அல்லாமல் உலக நாடுகளில் வளர்ச்சி இந்தியா ஒரு தூண்டுகோலாக இருக்கும் எனச் சர்வதேச நாணய நிதியம் தெரிவித்துள்ளது.

இதன் பிடி இந்தியா நடப்பு நிதியாண்டில் சுமார் 7.2 சதவீதம் வரை வளர்ச்சி அடையும் என்று அறிவித்துள்ளது, அதுமட்டும் அல்லாமல் உலகப் பொருளாதார அவுட்லுக் அமைப்பும் இந்தியா 2018-19ஆம் நிதியாண்டில் 7.7 சதவீதமாக வளர்ச்சி அடையும் எனத் தனது கணிப்புகளை வெளியிட்டுள்ளது.

2016-17ஆம் நிதியாண்டில் இந்தியா 6.8 சதவீதம் வளர்ச்சி அடைந்தது குறிப்பிடத்தக்கது.

கடந்த நிதியாண்டில் மத்திய அரசின் வளர்ச்சி திட்டங்கள் நாட்டின் வளர்ச்சிக்கு மிகப்பெரிய அளவில் உதவும் என நம்பப்பட்டது இதன் மூலம் நாட்டின் வளர்ச்சி 7.0 சதவீதத்தைத் தாண்டும் எனக் கணிக்கப்பட்ட நிலையில் மத்திய அரசு 500 மற்றும் 1000 ரூபாயைத் தடை செய்து வளர்ச்சி தொய்வடைந்தது.