ரோல்ஸ் ராய்ஸ், ஃபெராரி கார்களின் விலை ரூ.1 கோடி வரை திடீர் சரிவு.. என்ன காரணம் தெரியுமா..?

Written By:
Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

    ரோல்ஸ் ராய்ஸ், பென்ட்லி, ஆஸ்டன் மார்டின், ரேஞ்ச் ரோவர் மற்றும் ஃபெராரி ஆகிய ஆடம்பர கார்களின் விலை இந்தியாவில் சுமார் 20 லட்சம் ரூபாயில் துவங்கி சுமார் 1 கோடி ரூபாய் வரை குறைந்துள்ளது. இதனால் விலை உயர்ந்த கார்களை வாங்கத் திட்டமிடுவோர் கூடத் தற்போது ஆடம்பர கார்களை வாங்க முடிவு செய்துள்ளனர்.

    இந்தத் திடீர் விலை சரிவு காரணம், பிஎஸ்III உத்தரவால் தான் என்று நீங்கள் நினைத்தால் நிச்சயமாக இல்லை. பிரிட்டன் நாடு ஐரோப்பிய கூட்டணி நாடுகளில் வெளியேறிய காரணத்திற்காகத் தான் இத்தகைய விலை சரிவு ஏற்பட்டுள்ளது.

    இதற்கும் இந்தியாவில் விலை குறைவதற்கும் என்ன தொடர்பு..? என்று நீங்கள் கேட்பது புரிகிறது..

    பதில்..

    பல தசாப்தங்களாக ஐரோப்பிய யூனியன் நாடுகளுடன் இணைந்திருந்த பிரிட்டன் வேலைவாய்ப்பு, தன் நாட்டின் மக்களின் வாழ்வாதாரம் எனச் சுயநலமாக ஐரோப்பிய கூட்டணி நாடுகளுடன் தனது இணைப்பை முறித்துக்கொண்டது.

    இந்தப் பிரிவின் இரு நாடுகளின் பொருளாதாரத்திலும் வர்த்தகத்திலும் மிகப்பெரிய அளவில் மாற்றமடைந்து வருகிறது. இதில் முக்கியமான ஒன்று நாணய மதிப்பு.

     

     

    நாணய மதிப்பு

    இந்தப் பிரிவினால் பிரிட்டன் நாட்டின் நாணயமான பிரிட்டன் பவுண்ட் மதிப்பு மிகப்பெரிய அளவில் சரிந்துள்ளது. இதன் மூலம் பிரிட்டன் நாட்டில் தயாரிக்கப்பட்ட ரோல்ஸ் ராய்ஸ், பென்ட்லி, ஆஸ்டன் மார்டின், ரேஞ்ச் ரோவர் மற்றும் ஃபெராரி ஆகிய ஆடம்பர கார்களின் விலை அதிரடியாகக் குறைந்துள்ளது.

    இந்திய ரூபாய்

    இந்நிலையில் இந்திய ரூபாய்க்கு எதிரான பிரிட்டன் பவுண்ட் மதிப்பு கடந்த ஒரு வருடத்தில் சுமார் 20 சதவீதம் வரை சரிந்துள்ளது.

    இதன் மூலம் பிரிட்டன் நாட்டில் இருந்து இந்தியாவிற்கு ஏற்றுமதி செய்யும் கார்களின் விலை 20 லட்சம் ரூபாயில் துவங்கி சுமார் 1 கோடி ரூபாய் வரை குறைந்துள்ளது.

     

    விற்பனை

    இதனை வாய்ப்பாகப் பயன்படுத்தி ஆடம்பர கார் நிறுவனங்கள் அதிகளவிலான வாடிக்கையாளர்கை ஈர்க்க திட்டமிட்டு ஃபெராரி உட்படப் பல நிறுவனங்கள் தனது தயாரிப்புகளின் இயல்பான விலையை விடவும் சுமார் 5-15 சதவீதம் வரை விலையைக் குறைத்துள்ளது.

    2 கோடி ரூபாய்

    2016ஆம் ஆண்டில் மட்டும் 2 கோடி ரூபாய்க்கும் அதிக மதிப்புடைய கார்களின் விற்பனை மட்டும் இந்தியாவில் சுமார் 200ஆக உயர்ந்துள்ளது. இதில் பாதிக்கு மேல் பிரிட்டன் நாட்டில் தயாரிக்கப்பட்டவை என்பது குறிப்பிடத்தக்கது.

    சூப்பர் கார்ஸ்

    இதேகாலக்கட்டத்தில் இத்தாலி, ஜெர்மன் நாட்டில் இருந்து இந்தியாவிற்கு விற்கப்படும் சூப்பர் கார்களின் விலை அதிகளவில் குறைந்துள்ளது. காரணம் இந்த நாடுகள் அதன் பில்லை டாலர் அல்லது யூரோ நாணயத்தில் பதிவு செய்யும்.

    ரூபாய் நாணயத்திற்கு எதிராக யூரோ மதிப்புக் குறைந்தாலும் பவுண்ட் அளவிற்குக் குறைவில்லை.

     

    ரேஞ்ச் ரோவர் ஸ்போர்

    இந்த ஆடம்பர காரின் பழைய விலை 1.35 கோடி ரூபாய்

    புதிய விலை 1.04 கோடி ரூபாய்

     

    ரேஞ்ச் ரோவர் வோக்

    பழைய விலை 1.97 கோடி ரூபாய்

    புதிய விலை 1.56 கோடி ரூபாய்

     

    ஃபெராரி 488

    பழைய விலை 3.9 கோடி ரூபாய்

    புதிய விலை 3.6 கோடி ரூபாய்

     

    ரோல்ஸ் ராய்ஸ் ஃபான்தம்

    பழைய விலை 9 கோடி ரூபாய்

    புதிய விலை 7.8-8.0 கோடி ரூபாய்

     

    ரோல்ஸ் ராய்ஸ் கோஸ்ட்

    பழைய விலை 5.25 கோடி ரூபாய்

    புதிய விலை 4.75 கோடி ரூபாய்

     

    அஸ்டன் மார்டின் டிபி11

    பழைய விலை 4.27 கோடி ரூபாய்

    புதிய விலை 4.06 கோடி ரூபாய்

     

    பவுண்ட மதிப்பு

    கடந்த 18 மாதத்தில் இந்திய ரூபாய்க்கு எதிரான பிரிட்டன் பவுண்ட் மதிப்பு 108 ரூபாயில் இருந்து சுமார் 81 ரூபாய் வரை குறைந்துள்ளது.

    ஏற்றுமதி

    இதே காலக்கட்டத்தில் பிரிட்டன் நாட்டில் இருந்து இந்தியாவிற்கு ஏற்றுமதி செய்யப்படும் ஆடம்பர கார்களின் எண்ணிக்கை சுமார் 50 சதவீதம் அதிகரித்துள்ளது.

    இதன் மூலம் இந்தியாவில் ஆடம்பர கார் சந்தை பெரிய அளவில் விரிவாக்கம் அடைந்துள்ளது என்று கூறினால் மிகையாகாது.

     

    தமிழ் குட்ரிட்டன்ஸ் செய்திகளை உடனுக்குடன் படிக்க

    English summary

    Rolls Royce, Aston Martin, Ferrari cars prices reduced in India

    Rolls Royce, Aston Martin, Ferrari cars prices reduced in India by Rs 20L to 1cr - Tamil Goodreturns
    Company Search
    Enter the first few characters of the company's name or the NSE symbol or BSE code and click 'Go'
    Thousands of Goodreturn readers receive our evening newsletter.
    Have you subscribed?

    Find IFSC

    Get Latest News alerts from Tamil Goodreturns

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more