வங்கியில் வரிசையில் நிற்க வேண்டாம்.... இந்த செயலி உங்கள் மொபைலில் இருந்தால் போதும்..!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

ஸ்டேட் பேங்க் ஆப் இந்தியா வங்கி 2016 ம் ஆண்டு SBI NO Queue App என்ற புதிய செயலி ஒன்றைக் களமிறக்கியது. இந்தச் செயலியைப் பற்றி நம்மில் பலருக்கு எவ்வித தகவலும் தெரியாது. இந்தச் செயலி, அதன் செயல்பாடுகள், அதைச் செயல்படுத்த என்னென்ன தேவை என்ற விவரங்கள் உங்களுக்காகக் கீழே தரப்பட்டுள்ளன.

 

வங்கிகளில் கால் கடுக்க வரிசையில் நின்று சிரமப்படுபவர்களுக்கு மிகுந்த உற்சாகத்தையும் சந்தோஷத்தையும் தரக்கூடிய செய்திதான் இந்தச் செயலியின் அறிமுகம். இனி வரிசையில் நிற்க வேண்டிய அவசியமும் இல்லை. வரிசையில் முன்னால் குறுக்கே நுழைபவர்களுடன் சண்டை போட வேண்டிய அவசியமும் இல்லை.

நேரத்தை மிச்சப்படுத்தும்

நேரத்தை மிச்சப்படுத்தும்

வாடிக்கையாளர்களின் நேரத்தை மிச்சப்படுத்தும் இந்தச் செயலியை ஸ்டேட் பேங்க் ஆப் இந்தியா வங்கி வாடிக்கையாளர்கள் மட்டுமல்லாது பிற வங்கிகளில் கணக்கு வைத்திருப்பவர்களும் ஸ்டேட் பேங்க் ஆப் இந்தியா வங்கிக்குச் செல்லும்போது வரிசையில் நிற்பதைத் தவிர்க்க மிகுந்த உதவியாக இருக்கும்.

வரிசையில் நிற்பதற்குரிய டோக்கன்

வரிசையில் நிற்பதற்குரிய டோக்கன்

இந்தச் செயலியை உங்கள் மொபைல் ஆண்டிராய்ட் போனில் தரவிறக்கம் செய்து கொண்டால் வரிசையில் நிற்பதற்குரிய டோக்கன் அதன் வாயிலாகவே நீங்கள் புக் செய்யலாம். அந்த வரிசையில் நீங்கள் எந்த இடத்தில் இருக்கிறீர்கள் என்பதையும் அறிந்து கொள்ளலாம்.

இந்தச் செயலியின் பயன்கள் என்னென்ன?
 

இந்தச் செயலியின் பயன்கள் என்னென்ன?

இந்தச் செயலியின் மூலம் உங்கள் அருகிலுள்ள ஸ்டேட் பேங்க் ஆப் இந்தியா வங்கி கிளையில் வரிசையில் நிற்பதற்குரிய டோக்கன் பெற்றுக்கொண்டு, அந்த வரிசையில் உங்கள் இடம் குறித்த அறிவிப்பையும் பெற்றுக்கொள்ளலாம். நீண்ட வரிசையில் நிற்பதைத் தவிர்க்கும் இந்தச் செயலியில்

1. குறிப்பிட்ட ஸ்டேட் பாங்க் வங்கி கிளையில் நீங்கள் உத்தேசமாக எவ்வளவு நேரம் காத்திருக்க வேண்டி இருக்கும்?

2. அந்த நிமிடம் வரை காத்திருக்கும் வாடிக்கையாளர்கள் எண்ணிக்கை,

3. உங்கள் இடத்திலிருந்து அந்த வங்கி கிளை எவ்வளவு தூரத்தில் உள்ளது என்ற விவரங்களையும் தெரிந்துகொள்ள முடியும்.

யார் யார் இதனைப் பயன்படுத்தலாம்?

யார் யார் இதனைப் பயன்படுத்தலாம்?

ஸ்டேட் பேங்க் ஆப் இந்தியா வங்கி வாடிக்கையாளர்கள் மட்டுமல்லாது ஸ்டேட் பேங்க் ஆப் இந்தியா வங்கிக்கு ஏதாவதொரு வேலையாகச் செல்ல உள்ள பிற வங்கி வாடிக்கையாளர்களுக்கும் மிகவும் உபயோகமானது இந்தச் செயலி.

இந்தச் செயலியை எவ்வாறு பெறுவது?

இந்தச் செயலியை எவ்வாறு பெறுவது?

ஸ்மார்ட் போன் வைத்திருப்பவர்கள், ஆண்டிராய்ட் ஆபரடிங் சிஸ்டம் 4.1 பதிப்பு, இணையதளத் தொடர்பு வசதி, உங்கள் இருப்பிடம் அறிய உதவும் ஜி பி எஸ் வசதி உள்ளவர்கள் இந்தச் செயலியை கூகிள் ப்ளே ஸ்டோர் ல் சென்று தரவிறக்கம் செய்து பயன்படுத்தலாம். ஐ போன் வைத்திருப்பவர்கள் ஐ ட்யூன்ஸ் ஆப் ஸ்டோர் ல் சென்று தரவிறக்கம் செய்து கொள்ளலாம்.

செயலியில் உள் நுழைவது எப்படி?

செயலியில் உள் நுழைவது எப்படி?

வாடிக்கையாளர் இந்தச் செயலியில் கேட்கப்படும் அடிப்படைத் தகவல்களான பெயர் மற்றும் மொபைல் எண்ணை கொண்டு பதிவு செய்து கொள்ள வேண்டும். ‘சைன் அப்' தேர்ந்தெடுத்து போன் நிறுவனங்களில் உங்கள் சேவை நிறுவனத்தைத் தேர்ந்தெடுத்து உங்கள் இருப்பிடத்திற்கு அருகிலுள்ள வங்கி கிளையைத் தேர்ந்தெடுக்கவும். தொடரும் திரையில் அந்த வங்கி கிளையில் நீங்கள் எவ்வளவு நேரம் காத்திருக்க வேண்டியிருக்கும்? மற்றும் எத்தனை பேர் உங்களுக்கு முன்னாள் உள்ளனர் என்ற முழு விவரங்களும் தோன்றும். இப்போது நீங்கள் உங்கள் டோக்கனை புக் செய்து கொள்ளலாம்.

இதற்கான செலவு

இதற்கான செலவு

இந்தச் செயலி முற்றிலும் இலவசமானதுதான். உங்கள் மொபைல் சேவை நிறுவனத்தின் இணையதளத் தொடர்பிற்கான சேவைக் கட்டணமே இதற்காகும் செலவாகும்.

இனி வரிசை இல்லை

இனி வரிசை இல்லை

வங்கியில் காத்திருக்க வேண்டிய தேவையும் இல்லை. உங்கள் முறை வரும் நேரத்தில் வங்கியில் நுழைந்து வங்கியின் சேவையைப் பெற்றுக் கொண்டு வெளியே வந்து விடலாம். ஜமாய்ங்க.....

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

What Is SBI NO Queue App? What Are The Uses?

What Is SBI NO Queue App? What Are The Uses?
Story first published: Saturday, May 13, 2017, 15:14 [IST]
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X