ஆஃபர் டிக்கெட் எங்குக் கிடைக்கும்?

இண்டிகோ நிறுவனத்தின் இந்தச் சலுகை விலை டிக்கெட்களை அவர்களது அனைத்து முன்பதிவு சேனல் கவுண்டர்களிலும், இணைதளத்திலும் கிடைக்கும் என்று தெரிவித்துள்ளனர்.

வழித்தடங்கள்

சென்னை, கோவா, குவஹாத்தி, ஹைதராபாத், ஜெய்ப்பூர், ஜம்மு, கொச்சி, கொல்கத்தா, மும்பை, புனே, ஸ்ரீநகர் மற்றும் விசாகப்பட்டினம், அகர்தலா, சண்டிகர், கோயம்புத்தூர், டெஹ்ராடூன், மதுரை, மங்களூர், போர்ட் பிளேர், பாட்னா, வாரணாசி ஆகிய இடங்களுக்கான பயணங்களுக்கு இண்டிகோ சலுகை அளிக்கின்றது.

899 ரூபாய் சலுகை

899 ரூபாய்க்கு இண்டிகோ நிறுவன இணையதளத்தில் ஜம்மூ-ஸ்ரீநகர் பயணம் செய்யலாம் என்று குறிப்பிட்டுள்ள நிலையில் 794 ரூபாய்க்கு ஜூலை மாதம் டிக்கெட் கிடைக்கின்றது.

கோயம்புத்தூர் - சென்னை - மதுரை

சென்னை-கோயம்புத்தூர் செல்ல 1,169 ரூபாய் டிக்கெட் கட்டணமும், மதுரையில் இருந்து சென்னை செல்ல 1,179 ரூபாய் டிக்கெட் கட்டணங்களாகவும் அறிவிக்கப்பட்டுள்ளது.

பிற வழித்தடங்களில் உள்ள சலுகை

ஸ்ரீநகர்-ஜம்மு செல்ல 999 ரூபாயிலும், டெல்லி ஜெய்ப்பூர் செல்ல 1,089 ரூபாயிலும், விஷாகபட்டிணம் - ஹைதராபாத் செல்ல 1,104 ரூபாயிலும், விஷாகபட்டிணம் ஹைதராபாத் செல்ல 1,165 ரூபாய் எனவும், பெங்களூரு-ஹைதராபாத் செல்ல 1,250 ரூபாய் எனவும் டிக்கெட் கட்டணங்கள் குறிப்பிடப்பட்டுள்ளது.

உதான் சேவை

இண்டிகோ நிறுவனம் பிரதம மந்திரியின் உதான் திட்டத்தின் கீழ் இரண்டாம் கட்ட சிறு நகரங்களுக்குச் சிறிய ரக விமானங்களை இயக்க முடிவு செய்துள்ளது.

ஜிஎஸ்டி

உள்நாட்டு விமானப் பயணங்களை ஊக்குவிக்கும் விதமாக மத்திய அரசு ஜூலை 1 முதல் அறிமுகப்படுத்த இருக்கும் சரக்கு மற்றும் சேவை வரியில் எக்கானமி வகுப்பு டிக்கெட்களுக்கு 6 சதவீதமாக இருந்த வரியை 5 சதவீதமாகக் குறைத்துள்ளது.

விமான டிராப்பிக்

ஏப்ரல் மாதத்தில் உள்நாட்டு விமானப் பயணிகள் எண்ணிக்கை 15.15 சதவீதம் உயர்ந்து 91.34 லட்சமாக உயர்ந்துள்ளது என விமானப் போக்குவரத்து இயக்குனர் டி.ஜி.சி.ஏ (சிவில் விமானப் போக்குவரத்து இயக்குநரகம்) தெரிவித்துள்ளது.

பிற நிறுவனங்களில் ஆஃபர்

ஏர் இந்தியா, ஏர் ஏசியா, ஜெட் ஏர்வேஸ், கோஏர், ஸ்பைஸ் ஜெட் உள்ளிட்ட நிறுவனங்களும் விமானக் கட்டணத்தில் இண்டிகோ போன்று பல சலுகைகளை அறிவித்துள்ளன.