'டிசிஎஸ்' நிறுவனத்தில் அதிகம் சம்பளம் வாங்கும் ஊழியர் இவர்தான்..!

Written By:
Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

    நாட்டின் முன்னணி மென்பொருள் நிறுவனமான டிசிஎஸ்-இல் கடந்த வருடம் அதாவது 2016-17ஆம் நிதியாண்டில் அதிகம் சம்பளம் வாங்கும் ஊழியர்கள் பட்டியலை டிசிஎஸ் நிர்வாகம் இந்த வருடமும் வெளியிட்டுள்ளது .

    சந்தையில் இருக்கும் பிற நிறுவனங்களைப் போலவே பெண்களை விட ஆண்களுக்கு அதிகளவிலான சம்பளத்தையும், சம்பள உயர்வையும் தான் டிசிஎஸ் அளித்துள்ளது. அந்த வகையில் இந்த வருடம் அதிகம் சம்பளம் வாங்கிய ஊழியர் யார் என்பதையே இப்போது பார்க்கப்போகிறோம்.

    சுப்பிரகாஷ் முகோபாதிய

    டிசிஎஸ் நிறுவனத்தின் குளோபல் கருவூலத்தின் தலைவர் மற்றும் நிறுவனத்தின் செயலாளராக இருக்கும் சுப்பிரகாஷ் முகோபாதிய இந்த வருடம் கோடி ரூபாய் அளவிலான மொத்த சம்பளத்தைப் பெற்றுள்ளார்.

    அவரது அடிப்படை சம்பளம் வருடத்திற்கு 35 லட்சம் ரூபாய்.

     

    ராமகிருஷ்ணன் வி

    டிசிஎஸ் நிறுவனத்தின் தலைமை நிதியியல் அதிகாரியான ராமகிருஷ்ணன் வி 2016-17ஆம் நிதியாண்டுக்கு சுமார் போனஸ், சம்பளம் என அனைத்தையும் சேர்த்து 2.36 கோடி ரூபாயை மொத்த சம்பளமாகப் பெற்றுள்ளார்.

    டிசிஎஸ் வருடாந்திர அறிக்கையில் கூறப்பட்டுள்ள படி இவரது அடிப்படை சம்பளம் 43 லட்சம் ரூபாய்.

     

    ஆர்த்தி சுப்ரமணியம்

    டாடா கன்சல்டன்சி சர்வீசஸ் நிறுவனத்தின் நிர்வாக இயக்குநராக இருக்கும் ஆர்த்தி சுப்ரமணியம் 2016-17ஆம் நிதியாண்டுக்கு 3.71 கோடி ரூபாயை மொத்த சம்பளமாகப் பெற்றுள்ளார்.

    இவரது அடிப்படை சம்பளம் 81.5 லட்சம் ரூபாய்.

     

    என்ஜி சுப்ரமணியம்

    நாட்டின் மிகப்பெரிய மென்பொருள் ஏற்றுமதி நிறுவனத்தைத் தொடர் வளர்ச்சிக்கு முக்கியப் பங்காற்றும் தலைமை செயல் அதிகாரியான என்ஜி சுப்ரமணியம் இந்த வருடம் 6.15 கோடி ரூபாயைச் சம்பளமாகப் பெற்றுள்ளார்.

    இதில் 3.5 கோடி ரூபாயை கமிஷனாகவும், 76 லட்சம் ரூபாயை அடிப்படை சம்பளமாகவும் பெற்றுள்ளார் என்ஜி சுப்ரமணியம்.

     

    ராஜேஷ் கோபிநாத்

    டிசிஎஸ் நிறுவனத்தின் சிஇஓவான ராஜேஷ் கோபிநாத், 6.2 கோடி ரூபாயை 2016-17ஆம் நிதியாண்டுக்கான சம்பளமாகப் பெற்றுள்ளார்.

    இதில் 4 கோடி ரூபாய் கமிஷனாகவும், 66.5 லட்சம் ரூபாய் அடிப்படை சம்பளமாகவும் பெறுகிறார் ராஜேஷ் கோபிநாத். இவர் டிசிஎஸ் நிறுவனத்தில் 2001ஆம் ஆண்டுச் சேர்ந்தார் என்பது குறிப்பிடத்தக்கது.

     

    என் சந்திரசேகரன்

    டிசிஎஸ் நிறுவனத்தின் முன்னாள் சிஇஓவான என் சந்திரசேகரன் தற்போது டாடா சன்ஸ் நிறுவனத்தின் சேர்மேன் ஆகப் பதவி வகித்தாலும், 2016-17ஆம் நிதியாண்டில் சுமார் 11 மாதம் அதாவது பிப்ரவரி மாதம் வரை டிசிஎஸ் நிறுவனத்தில் பணியாற்றினார்.

    இந்த 11 மாதத்திற்குச் சந்திரசேகரன் சுமார் 30 கோடி ரூபாய்ச் சம்பளமாகப் பெற்றுள்ளார். இதில் 25 கோடி ரூபாய் கமிஷனாகவும், 2.4 கோடி ரூபாய் அடிப்படை சம்பளமாகவும், 2.7 கோடி ரூபாய் கொடுப்பனவாகவும் பெற்றுள்ளார்.

     

    தமிழ் குட்ரிட்டன்ஸ் செய்திகளை உடனுக்குடன் படிக்க

    English summary

    Here Is List Of High Paid Heros In TCS

    Here Is List Of High Paid Heros In TCS
    Company Search
    Enter the first few characters of the company's name or the NSE symbol or BSE code and click 'Go'
    Thousands of Goodreturn readers receive our evening newsletter.
    Have you subscribed?

    Find IFSC

    Get Latest News alerts from Tamil Goodreturns

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more