பொதுத் துறை வங்கியான இந்தியன் வங்கி 50 லட்சம் ரூபாய்க்கும் அதிகமாகப் பணப் பரிவர்த்தனை செய்யும் சேமிப்புக் கணக்குகளுக்கு 4 சதவீதம் வரை வட்டி விகிதமும் அதற்குக் குறைவாகச் செய்யும் சேமிப்புக் கணக்குகளுக்கு 3.50 சதவீதமாகக் குறைத்துள்ளது.

இந்தியன் வங்கியில் சேமிப்பு கணக்கு மீதான புதிய வட்டி விகிதம் வரும் ஆகஸ்ட் 16-ம் தேதி முதல் அமலுக்கு வருகின்றது என்று மும்பை பங்கு சந்தைக்குத் தாக்கல் செய்த அறிக்கையில் தெரிவிக்கப்பட்டுள்ளது.

அன்மையில் இந்தியாவின் மிகப் பெரிய பொதுத் துறை வங்கி நிறுவனமான எஸ்பிஐ 0.5 சதவீதம் குறைத்து 3.5 சதவீதமாக அறிவித்துள்ளது.

எஸ்பிஐ வங்கியில் 1 கோடி ரூபாய்க்கும் அதிகமாகப் பரிவர்த்தனை செய்யும் சேமிப்புக் கணக்குகளுக்கு 4 சதவீதமும், குறைவாகச் செய்பவர்களுக்கு 3.5 சதவீதம் வட்டி விகிதமும் லாபமாக அளிக்கப்படும்.

எஸ்பிஐ வங்கியில் 20 சதவீத சேமிப்பு கணக்கு வைத்துள்ளவர்கள் மட்டுமே 1 கோடி ரூபாய்க்கும் அதிகமாகப் பணப் பரிவர்த்தனை செய்கின்றார்கள் என்பது குறிப்பிடத்தக்கது.