உலக மறுசீரமைப்புச் செயல்முறை

உலக அளவில் நிறுவனம் மற்றும் வியாபாரத்தினை மறுசீரமைப்புச் செய்ய முடிவு செய்துள்ள நைக் நிறுவனம் நியூ யார்க், ஷாங்காய், லண்டன், டோக்கியோ, பாரிஸ் மற்றும் மெக்சிக்கோ உள்ளிட்ட 12 நகரங்களில் 2020-ம் ஆண்டிற்கு 80 சதவீத வளர்ச்சியினை இலக்காகக் கொண்டு செயல்பட்டு வருகின்றது.

இந்திய நகரங்கள் இல்லை

இதில் முக்கியமானது என்னவென்றால் இந்தியாவில் இருந்து ஒரு நகரம் கூடப் பட்டியலில் இடம் பெறவில்லை என்பது ஆகும்.

இந்தியாவில் நைக்

நைக் நிறுவனம் இந்தியாவில் 2005-ம் ஆண்டுக் கால் பதித்தது, ஆனால் சந்தையில் பெரியதாக இவர்களுக்கு வளர்ச்சி இல்லை. எனவே தற்போது வரை இந்தியாவில் இருந்து 35 சதவீத கடைகளை மூடியுள்ளது.

தற்போதைய நிலை

தற்போது நைக் நிறுவனத்திற்கு இந்தியாவில் மொத்தமாக 200 கடைகள் உள்ளன.

கிரிக்கெட்

இந்தியாவை விட்டு வெளியேறும் முதற்கட்டமாகக் கிரிக்கெட் ஸ்பான்சர்ஷிகளை நைக் நிறுவனம் குறைத்துள்ளது. இது செலவுகளைக் குறைக்கும் நடவடிக்கை என்றும் தெரிவித்துள்ளது.

பணி நீக்கம்

பணி நீக்கம் குறித்த கேள்வியினை இந்திய நைக் பிரிவு செய்தித் தொடர்பாளரிடம் கேட்டோம். அதற்கு அவர் நுகர்வோர் நேரடி குற்றச்சாட்டிற்கு எதிராக நிறுவனத்தை ஒருங்கிணைக்கும் நடவடிக்கையின் ஒரு பகுதியாக, எங்கள் நுகர்வோருக்கு வேகமாகவும் தனிப்பட்ட முறையில் பணியாற்றவும் உதவும் திட்டமாக, தொழிலாளர் குறைப்புக்கள் இருக்கும், அதற்கான பணிகள் தான் இந்தியாவில் தொடர்ந்து வரும் என்று தெரிவித்தார்.

அலுவலகங்கள்

இந்தியாவில் பெங்களூருவை தலைமையிடமாகக் கொண்டு செயல்பட்டு வரும் நைக் நிறுவனத்திற்கு டெல்லி மற்றும் மும்பையில் கிளை அலுவலகங்கள் உள்ளன.

வருவாய்

2005-ம் ஆண்டு இந்தியாவில் விற்பனையைத் துவங்கிய நைக் நிறுவனம் 2015-ம் ஆண்டுப் பெற்ற 803 கோடி வருவாயில் இருந்து 2016-ம் ஆண்டு 764 கோடியாகச் சரிந்தது. நட்டம் தொடர்ந்து இரண்டு வருடமாகவும் அதிகரித்து வருவதாகவும் 2014-2015 நிதி ஆண்டில் 101 கோடி வருவாய் இழப்பும், 2015-2016 நிதி ஆண்டில் 170 கோடியும் இழப்பினை சந்துள்ளது குறிப்பிடத்தக்கது.