நாட்டின் பொருளாதார வீழ்ச்சியின் மூலம் மோடி தலைமையிலான அரசு கடந்த சில நாட்களாகத் தொடர்ந்து விமர்சனங்களைச் சந்தித்து வந்த நிலையில் ஆகஸ்ட் மாதத்திற்கான தொழிற்துறை உற்பத்தி 4.3 சதவீதம் வரை உயர்ந்து 9 மாத உயர்வை அடைந்துள்ளது.

23 துறையில் 10 துறைகள், மொத்த தொழிற்துறை உற்பத்தி குறியீட்டில் 77.63 சதவீதம் உற்பத்தித் துறையின் கீழ் இருக்கும் நிலையில் ஆகஸ்ட் மாதம் 3.1 சதவீதமாகக் குறைந்துள்ளது. கடந்த வருடம் இது 5.5 சதவீதமாக இருந்தது குறிப்பிடத்தக்கது.

தொழிற்துறை உற்பத்தி குறீயிட்டு முக்கியப் பங்கு வகிக்கும் சுரங்கம் 9.4 சதவீதமும், மின்சாரம் 8.3 சதவீதம் வரையிலான வருடாந்திர வளர்ச்சியைச் சந்தித்துள்ளது.

ஆகஸ்ட் 2016 மற்றும் 2017ஆம் ஆண்டு அளவீடுகளை ஒப்பிடுகையில் ப்ரைமரி கூட்ஸ் 7.1 சதவீதமும், கேபிட்டல் கூட்ஸ் 5.4 சதவீதமும், இன்பரா மற்றும் கட்டுமான கூட்ஸ் 2.5 சதவீதமும் வளர்ச்சி அடைந்துள்ளது. ஆனால் இண்டர்மீடியோட் கூட்ஸ் 0.2 சதவீதம் சரிந்துள்ளது.