பங்குச்சந்தையில் உயர்வு

ஏர்டெல் நிறுவனம் டாடா டெலிசர்வீசஸ் நிறுவனத்தைக் கைப்பற்றியதை அடுத்து இன்றைய மும்பை பங்குச்சந்தை வர்த்தகத்தில் பார்தி ஏர்டெல் நிறுவனத்தின் பங்குகள் 7.98 சதவீதம் வரை உயர்ந்து முதலீட்டாளர்களை மகிழ்வித்துள்ளது.

இதன் மூலம் இன்று ஏர்டெல் நிறுவன பங்கு மதிப்பு 432 ரூபாய் வரை உயர்ந்து காணப்பட்டது.

ஏர்டெல்

இன்றைய உயர்வுடன் ஏர்டெல் நிறுவனத்தின் பங்குகள் இந்த வருடம் சுமார் 40 சதவீதம் அளவிலான உயர்வை அடைந்துள்ளது. அதேபோல் டாடா டெலிசர்வீசஸ்(TTML) நிறுவனத்தின் பங்கு மதிப்பு 10 சதவீதம் உயர்ந்துள்ளது.

இந்த வருடம் மட்டும் TTML நிறுவனம் 20 சதவீதம் வரை குறைந்து காணப்பட்டது குறிப்பிடத்தக்கது.

மிகப்பெரிய லாபம்..

இந்த ஒப்பந்தம் ஏர்டெல் நிறுவனத்திற்கு வர்த்தக ரீதியிலும், பண ரீதியிலும், சந்தையில் ஜியோ உடன் போட்டி போட மிகப்பெரிய வாயப்பாக இருக்கும் என நம்பப்படுகிறது.

சந்தை பங்கீடு

டாடா டெலிசர்வீசஸ் சுமார் 44 மில்லியன் வாடிக்கையாளர்களுடன் சுமார் 5 சதவீத சந்தை வர்த்தகத்தைக் கொண்டுள்ளது குறிப்பிடத்தக்கது. இது உண்மையில் ஏர்டெல் நிறுவனத்திற்கு வலிமை சேர்க்கும் என நம்பப்படுகிறது.