ஜியோ

அனைவராலும் பெரிதும் எதிர்பார்க்கப்பட்ட ரிலையன்ஸ் ஜியோ இக்காலாண்டில் 6,147 கோடி ரூபாய் வருமானம் பெற்றுள்ளது. ஆயினும் இந்நிறுவனத்தின் மலிவுவிலை கட்டணத்தால் செப்டம்பர் 30 உடன் முடிந்த காலாண்டில் 270 கோடி ரூபாய் நஷ்டத்தைச் சந்தித்துள்ளது.

லாபம்

செப்டம்பர் காலாண்டில் ரிலையன்ஸ் இண்டஸ்ட்ரீஸ் கடந்த காலாண்டை விடவும் அதிக வருமானத்தைப் பெற்றாலும் லாபத்தின் அளவு சற்று குறைவாகவே உள்ளது.

ஜூன் காலாண்டில் 9,079 கோடி ரூபாய் பெற்றுள்ள நிலையில் செப்டம்பர் காலாண்டில் 8,097 கோடி ரூபாய் பெற்றுள்ளது. ஆனால் கடந்த நிதியாண்டில் 7,179 கோடி ரூபாயாக இருந்தது குறிப்பிடத்தக்கது.

சுத்திகரிப்பு

கச்சா எண்ணெய் சுத்திகரிப்பு மூலம் ரிலையன்ஸ் இண்டஸ்ட்ரீஸ் நிறுவனம் இக்காலாண்டில் ஒரு பேரலுக்கு 12 டாலர் பெற்றுள்ளது, கடந்த நிதியாண்டில் இதே காலாண்டில் 10.10 டாலராக இருந்தது குறிப்பிடத்தக்கது.

பங்குச்சந்தை

இன்றைய வர்த்தகத்தில் ரிலையன்ஸ் இண்டஸ்ட்ரீஸ் நிறுவன பங்குகள் 4.20 சதவீதம் வரை உயர்ந்து 876.70 ரூபாயாக வர்த்தகம் செய்யப்பட்டது குறிப்பிடத்தக்கது.

பாதிப்புகள்

சந்தையின் முதலீட்டாளர்கள் எதிர்பார்த்த அளவிற்குப் பெரிய லாபங்கள் இல்லாத நிலையில் திங்கட்கிழமை வர்த்தகத்தில் ரிலையன்ஸ் இண்டஸ்ட்ரீஸ் பங்குகள் கணிசமான வர்த்தகத்தை மட்டுமே பெறும் எனத் தெரிகிறது.