இந்தியாவில் செப்டம்பர் மாதம் உணவுப் பொருட்கள், காய்கறிகளின் விலையில் குறைந்த அளவிலான மாற்றம் மட்டுமே இருந்த காரணத்தால் மொத்த விலை பணவீக்கத்தின் அளவு 2.60 சதவீதமாக உயர்ந்துள்ளது.
கடந்த மாதம் இதன் அளவீடு 3.24 சதவீதமாகவும், செப்டம்பர் 2016இல் 1.36 சதவீதமாகவும் இருந்தது குறிப்பிடத்தக்கது.
ரெயூட்டர்ஸ் கணிப்பில் செப்டம்பர் மாதம் இந்தியாவின் மொத்த விலை பணவீக்கம் 3.41 சதவீதமாக இருக்கும் எனக் கணிப்பை வெளியிட்ட நிலையில், கணிப்புகளை உடைத்து 2.60 சதவீதமாக உயர்ந்துள்ளது.
இதனால் நாட்டின் முக்கிய வணிக வங்கிகள் கடனுக்கான வட்டியைக் கணிசமாகக் குறைக்கும் என எதிர்பார்க்கப்படுகிறது.
உணவுப் பொருட்கள் மீதான பணவீக்கத்தின் அளவு கடந்த மாதம் 5.75 சதவீதமாக இருந்த நிலையில் தற்போது 2.04 சதவீதமாகக் குறைந்துள்ளது, அதேபோல் காய்கறிகள் மீதான பணவீக்கம் 44.91 சதவீதத்தில் இருந்து செப்டம்பரில் 15.48 சதவீதமாகக் குறைந்துள்ளது.
ஆனால் வெங்காயம் மீதான பணவீக்கம் 79.78 சதவீதமாகவும், முட்டை, கறிஷ மற்றும் மீன் மீதான பணவீக்கம் 5.47 சதவீதமாகவும் நீடிக்கிறது.