முதலீடு

பலக்கட்ட முயற்சிகளுக்குப் பின்பு மஹிந்திராவின் ஆட்டோமொபைல் வர்த்தகப் பிரிவு டெட்ராய்ட் பகுதியில் 230 மில்லியன் அமெரிக்க டாலர் முதலீட்டில் தனது புதிய உற்பத்தி ஆலையைத் துவங்கியுள்ளது.

வேலைவாய்ப்பு

ஐடி நிறுவனங்களின் வரியாகத் தற்போது மஹிந்திராவின் ஆட்டோமொபைல் பிரிவின் புதிய தொழிற்சாலை அமெரிக்கா மண்ணில் துவங்கப்பட்டுள்ளது. இப்புதிய தொழிற்சாலையின் மூலம் சுமார் 250 வேலைவாய்ப்புகளை உருவாக்க முடியும் என மஹிந்திரா குழுமம் நம்பிக்கை தெரிவித்துள்ளது.

விரிவாக்கம்

அமெரிக்காவில் அமைக்கப்பட்ட இத்தொழிற்சாலையின் மூலம் மஹிந்திராவின் பிராண்டு வட அமெரிக்கா மற்றும் மிச்சிகன் பகுதியில் பிரபலம் அடையப் பெரிய அளவில் உதவி செய்யும்.

3 மடங்கு

உற்பத்தி மற்றும் வர்த்தகம் சிறப்பாக இருக்கும் பட்சத்தில் இத்தொழிற்சாலையின் ஊழியர்கள் எண்ணிக்கையை அடுத்த 18 மாதத்தில் 3 மடங்கு அதிகரிக்கவும் வாய்ப்புகள்ளது, அதேபோல் அமெரிக்காவில் மஹிந்திராவின் வளர்க்கு நீங்கள் தான் அஸ்திவாரம் என இதன் திறப்பு விழாவில் ஆனந்த் மஹிந்திரா தெரிவித்தார்.

2020 இலக்கு

இத்திட்டத்துடன் சில இணைப்பு திட்டங்களையும் செயல்படுத்த மஹிந்திரா ஆட்டோமோடிவ் நார்த் அமெரிக்கா முடிவு செய்துள்ளது. இதன் மூலம் 2020ஆம் ஆண்டுக்குள் 600 மில்லியன் டாலர் முதலீடும், 400 கூடுதல் வேலைவாய்ப்புகளையும் உருவாக்க முடியும் என நம்பிக்கை தெரிவித்துள்ளது மஹிந்திரா நிர்வாகம்.

30 கிளைகள்

அமெரிக்காவில் சுமார் 30 கிளைகளும், 1 பில்லியன் டாலர் அளவிலான முதலீட்டையும் கொண்டு மஹிந்திரா அமெரிக்கச் சந்தையில் வர்த்தகம் செய்து வருவது குறிப்பிடத்தக்கது.