பிக்பேஸ்கட் நிறுவனத்தில் முதலீடு செய்யும் அலிபாபா..!

பிக்பேஸ்கட்

கடந்த சில வாரங்களாக அலிபாபா, பிக்பேஸ்கட் நிறுவனத்தில் முதலீடு செய்வது குறித்தும், அதன் சேவையைப் பேடிஎம் தளத்தில் சேர்ப்பது குறித்துப் பேச்சுவார்த்தை நடந்து வந்த நிலையில், தற்போது அலிபாபாவின் முதலீடு உறுதியாகியுள்ளது.

300 மில்லியன் டாலர்

முதலீட்டுக்கான பேச்சுவார்த்தை உறுதிசெய்யப்பட்ட நிலையில், சீனாவில் அலிபாபா பிக்பேஸ்கட் நிறுவனத்தின் 3இல் ஒரு பங்குகளில் முதலீடு செய்ய ஒப்புதல் அளித்துச் சுமார் 300 மில்லியன் டாலர் இந்நிறுவனத்தில் முதலீடு செய்ய உள்ளது.

அமேசான்

இந்தியாவில் அலிபாபா நேரடியாக இறங்கவில்லை என்றால் பேடிஎம், பிக்பேஸ்கட் போன்ற பல நிறுவனங்களில் முதலீடு செய்து அமேசான் நிறுவனத்திற்கு எதிராக உலக நாடுகளில் தனக்கான ஒரு இடத்தைத் தொடர்ந்து பிடித்து வருகிறது.

மதிப்பு..

அலிபாபாவின் முதலீட்டுக்கான பிக்பேஸ்கட் நிறுவனத்தின் மதிப்பை ஆய்வு செய்தபோது இந்நிறுவனத்தின் வர்த்தகம் மற்றும் சொத்துகளின் அடிப்படையில் இது 850 மில்லியன் டாலராக மதிப்பிடப்பட்டுள்ளது. இதற்கான அதிகாரப்பூர்வ அறிவிப்பும் இன்னும் சில நாட்களில் வெளியாகும் எனத் தெரிகிறது.

பேடிஎம் மால்..

பிக்பேஸ்கட் நிறுவனத்தில் அலிபாபா முதலீட்டில் இயங்கும் பேடிஎம் மால் நிறுவனமும் முதலீடு செய்ய விருப்பம் தெரிவித்துள்ள நிலையில், அலிபாபா மற்றும் பேடிஎம் மால் ஆகியவை இணைந்து பிக்பேஸ்கட் நிறுவனத்தின் 35-40 சதவீத பங்குகளில் முதலீடு செய்ய உள்ளதாகத் தெரிகிறது.

பிக்பேஸ்கட் நிறுவனம் சூப்பர்மார்கெட் கிராசரி சப்ளைஸ் என்ற பெயரில் பதிவு செய்யப்பட்டு இயங்கி வருகிறது.

முதலீடு முறை..

முதல் கட்டமாக அலிபாபா நிறுவனம், பிக்பேஸ்கட் நிறுவனத்தில் 220 மில்லியன் டாலரை மட்டுமே முதலீடு செய்ய உள்ளது, மீதமுள்ள 80 மில்லியன் டாலரை அதன் தற்போதைய முதலீட்டாளர்களிடம் இருந்து பங்குகளைப் பெறுவதற்காக நிதியை ஒதுக்கீடு செய்துள்ளது.

பிக்பேஸ்கட் வெற்றி கதை..

நண்பர்கள் இணைந்தால் 'வெற்றி' நிச்சயம்.. பிக் பேஸ்கட் உணர்த்தும் பாடம்..!