ரிலையன்ஸ் இண்டஸ்ட்ரீஸ்

ரிலையன்ஸ் இண்டஸ்ட்ரீஸ் நிறுவனத்தின் பங்குகள் இன்றைய சந்தை நேர முடிபில் 0.09 சதவீதம் என 0.85 புள்ளிகள் சரிந்து ரூ.915.05 ஒரு பங்கு என வர்த்தகம் செய்யப்பட்டது.

ஜியோ இன்ஃபோகாம் வருவாய்

செப்டம்பர் மாதத்துடன் முடிந்த இரண்டாம் காலாண்டில் ஜியோ இன்ஃபோகாம் நிறுவனம் பெற்ற 6,147 கோடி ரூபாய் வருவாயில் 270.59 கோடி ரூபாய் நட்டம் அடைந்துள்ளதாகத் தெரிவித்தது. ஆனாலும் தனது டெலிகாம் பிரிவு வட்டி மற்றும் வரி போன்றவற்றில் வருவாய் என்பது நேர்மறையாகவே உள்ளது என்றும் தெரிவித்துள்ளது.

ஜியோ

ரிலையன்ஸ் ஜியோ நிறுவனம் வணிக ரீதியாகத் தனது டெலிகாம் சேவையினை 2016-ம் ஆண்டுச் செப்டம்பர் மாதம் முதல் துவங்கியது. ஜியோவின் போட்டி நிறுவனங்களான பார்தி ஏர்டெல் மற்றும் அடியா செல்லுலார் நிறுவனப் பங்குகள் முறையே 1.46 மற்றும் 2.40 சதவீதம் சரிந்து 524.75 ரூபாய் மற்றும் 93.45 ரூபாய் ஒரு பங்கு என இன்று வர்த்தகம் செய்யப்பட்டுள்ளது.

சேவைத் துவங்கிய 170 நாட்களில் இலவசங்களை வாரி வழங்கி 100 மில்லியன் சந்தாதார்களைப் பெற்ற ரிலையன்ஸ் ஜியோ நிறுவனத்தில் தற்போது 132,679,328 சந்தாதார்கள் உள்ளனர்.

பார்தி ஏர்டெல்

பார்தி ஏர்டெல் நிறுவனத்தில் மொத்தமாக 285,195,633 வாடிக்கையாளர்கள் உள்ளதாகவும், அக்டோபர் 2017-ல் மட்டும் 3,148,164 வாடிக்கையாளர்கள் இணைந்துள்ளதாகவும் தெரிவிக்கப்பட்டுள்ளது.

வோடாபோன்

வோடாபோன் நிறுவனத்தில் 208,323,427 பயனர்கள் உள்ளதாகவும், அக்டோபர் 2017-ல் 8,79,413 வாடிக்கையாளர்கள் புதிதாக இணைந்துள்ளதாகத் தெரிவித்துள்ளது.

ஐடியா

ஐடியா நிறுவனத்தில் 190,868,572 வாடிக்கையாளர்கள் உள்ளதாகவும் அதில் 713,408 வாடிக்கையாளர்கள் அக்டோபர் மாதத்தில் புதிதாக இணைந்துள்ளதாகவும் தெரிவித்துள்ளனர்.

ஏர்செல்

ஏர்செல் நிறுவனத்தில் 88,254,714 வாடிக்கையாளர்கள் அக்டோபர் மாமதம் வரை உள்ளனர் என்றும், அந்த மாத்தில் மட்டும் 4,97,264 வாடிக்கையாளர்கள் சேவையினை விட்டு வெளியேறியுள்ளதாகவும் குறிப்பிட்டுள்ளனர்.