டிசம்பர் மாதம் 1 பில்லியன் டிஜிட்டல் பரிவர்த்தனை செய்யப்பட்டு வரலாறு படைத்த இந்தியா!

Written By: Tamilarasu
Subscribe to GoodReturns Tamil

2016-ம் ஆண்டு நவம்பர் மாதம் பண மதிப்பு நீக்க நடவடிக்கைக்குப் பிறகு முதன் முறையாக இந்தியாவின் டிஜிட்டல் பரிவர்த்தனையின் எண்ணிக்கை 1 பில்லியனை தொட்டுள்ளது.

நவம்பர் மாதம் 997.1 மில்லியன் டிஜிட்டல் பரிவர்த்தனை செய்யப்பட்ட நிலையில் டிசம்பர் மாதம் 6.05 சதவீதம் உயர்ந்து 1.06 பில்லியன் டிஜிட்டப் பரிவர்த்தனை செய்யப்பட்டுள்ளதாக ஆர்பிஐ வங்கி செவ்வாய்க்கிழமை தரவுகளை வெளியிட்டுள்ளது.

டிஜிட்டல் பரிவர்த்தனை

இந்தியாவின் ஒட்டுமொத்த டிஜிட்டல் பரிவர்த்தனை அளவினை பார்த்தால் பணமதிப்பு நீக்கப்பட்ட காலக் கட்டத்தில் 2016-ம் ஆண்டு டிசம்பர் மாதம் 957.5 மில்லியன் டிஜிட்டல் பரிவர்த்தனை செய்யப்பட்டது. இதுவே ஒரு ஆண்டுக்குப் பிறகு 1 பில்லியன் பரிவர்த்தனை நடந்துள்ளது.

எதுவெல்லாம் டிஜிட்டல் பரிவர்த்தனையின் கணக்கெடுக்கப்பட்டுள்ளது?

இணையதள வங்கி சேவை, பிரீபெய்டு பேமெண்ட் சேவைகள், யூபிஐ, டெபிட், கிரெடிட் கார்டுகள் என மொத்தமாக 125.51 டிரில்லியன் ரூபாய் மதிப்பிலான டிஜிட்டல் பரிவர்த்தனைகள் டிசம்பர் மாதம் செய்யப்பட்டுள்ளது. இதுவே அதிகபட்சமாகச் சென்ற மார்ச் மாதம் 149.59 டிரில்லியன் ரூபாய் மதிப்பிலான டிஜிட்டல் பரிவர்த்தனைகள் செய்யப்பட்டுள்ளன.

யூபிஐ

டிஜிட்டல் பரிவர்த்தனையில் யூபிஐ பரிவர்த்தனையின் அளவும் டிசம்பர் மாதம் புதிய சாதனையினைப் படைத்துள்ளது. நவம்பர் மாதம் 104.5 மில்லியன் யூபிஐ பரிவர்த்தனை செய்யப்பட்ட நிலையில் டிசம்பர் மாதம் 40% உயர்ந்து 145.5 மில்லியன் பரிவர்த்தனைகள் செய்யப்பட்டுள்ளது.

நவம்பர் மாதம் வரை 96.4 பில்லியன் ரூபாயில் இருந்த பரிவர்த்தனையின் மதிப்பும் 36 சதவீதம் உயர்ந்து 131.4 பில்லியன் ரூபாயாக அதிகரித்துள்ளது.

 

ஆர்பிஐ

யூபிஐ சேவையினை அறிமுகம் செய்த ஆர்பிஐ வங்கியும் கடந்த 2016 டிசம்பர் மாதம் முதல் 2017 டிசம்பர் வரையில் மட்டும் 7000 சதவீதமாக யூபிஐ பரிவர்த்தனைகள் அதிகரித்துள்ளது என்று தெரிவித்துள்ளது.

பிம் செயலி

பிம் செயலியின் மூலமாக டிசம்பர் மாதம் 145 மில்லியன் பரிவர்த்தனைகள் செய்யப்பட்டுள்ளது. ஆண்டிராய்டு செயலியினை 21.65 மில்லியன் பயனர்களும், ஐ ஓஎஸ் செயலியினை 1.03 மில்லியன் பயனர்களும் பதிவிறக்கம் செய்துள்ளனர்.

டெபிட்/கிரெடிட் கார்டுகள்

நவம்பர் மாதத்துடன் ஒப்பிடும் போது 5 சதவீதம் உயர்ந்து 257.2 மில்லியன் டெபிட்/கிரெடிட் கார்டுகள் பரிவர்த்தனைகள் செய்யப்பட்டுள்ளது. இதன் மதிப்பு 515.9 பில்லியன் ரூபாய் ஆகும்.

என்ஈஎப்டி/ஆர்டிஜிஎஸ்

இணையதள வங்கி சேவை பரிவர்த்தனையில் நவம்பர் மாதத்துடன் ஒப்பிடும் போது டிசம்பர் மாதம் என்ஈஎப்டி 4% மற்றும் ஆர்டிஜிஎஸ் பரிவர்த்தனை 1% உயர்ந்துள்ளது.

மத்திய அரசு

மத்திய அரசு டிஜிட்டல் பரிவர்த்தனையினை ஊக்குவிக்கும் விதமாகப் பிம் யூபிஐ, டெபிட்/கிரெட்ட் கார்டு போன்ற பரிவர்த்தனைகளுக்கு 2000 ரூபாய் வரை இருந்து வந்த வணிகத் தள்ளுபடி விகித கட்டணத்தினை நீக்கியுள்ளது.

தமிழ் குட்ரிட்டன்ஸ் செய்திகளை உடனுக்குடன் படிக்க
English summary

India's Digital transactions cross 1 billion mark in December

India's Digital transactions cross 1 billion mark in December
Please Wait while comments are loading...
Company Search
Enter the first few characters of the company's name or the NSE symbol or BSE code and click 'Go'
Thousands of Goodreturn readers receive our evening newsletter.
Have you subscribed?

Find IFSC

Get Latest News alerts from Tamil Goodreturns