6.5 சதவீத வளர்ச்சி

இன்று மத்திய புள்ளியியல் அமைப்பு வெளியிட்ட ஆய்வின் படி 2017-18ஆம் நிதியாண்டில் நாட்டின் பொருளாதார வளர்ச்சி 6.5 சதவீதமாக மட்டுமே இருக்கும் என அறிவித்துள்ளது. கடந்த நிதியாண்டில் இதன் அளவு 7.1 சதவீதமாக இருந்தது குறிப்பிடத்தக்கது.

முந்தைய கணிப்பு

மேலும் 2017-18நிதியாண்டின் வளர்ச்சி 9.5 சதவீதமாக இருக்கும் என ஜிஎஸ்டி, பணமதிப்பிழப்பு ஆகியவை அறிவிக்கும் முன்பு கணிக்கப்பட்டது குறிப்பிடத்தக்கது.

4 வருட சரிவு

2013-14ஆம் நிதியாண்டில் நாட்டின் பொருளாதார வளர்ச்சி 6.4 சதவீதமாக இருந்த நிலையின் நடப்பு நிதியாண்டின் வளர்ச்சி 4 வருட சரிவிற்குத் தள்ளப்படும் என எதிர்பார்க்கப்படுகிறது.

முக்கியக் காரணம்

நடப்பு நிதியாண்டில் பணமதிப்பிழப்பு மற்றும் ஜிஎஸ்டி ஆகியவற்றின் அமலாக்கம் இந்திய பொருளாதார வளர்ச்சியை அதிகளவிலான பாதிப்பை ஏற்படுத்தியது குறிப்பிடத்தக்கது.