பிக்சட் டெபாசிட் வசதிக்காக இண்டஸ்இண்ட் வங்கியுடன் கூட்டணி சேறும் பேடிஎம் பேமெண்ட்ஸ் வங்கி!

பேடிமெம் பேமெண்ட்ஸ் வங்கி கணக்கில் 1 லட்சம் ரூபாய்க்கும் அதிகமாக இருப்புத் தொகை வைத்திருக்கும் போது பிக்சட் டெபசிட்டாக முதலீடு செய்யும் திட்டத்திற்காக இண்டஸ்இண்ட் வங்கியுடன் ஒப்பந்தம் போடப்பட்டுள்ளது.

பிகசட் டெபாசிட்டாக மாற்றப்பட்டாலும் பேடிஎம் பேமெண்ட்ஸ் வங்கி வாடிக்கையாளர்கள் தங்களுக்குத் தேவையான போது எந்த ஒரு கூடுதல் கட்டணமும் இல்லாமல் 6.85 சதவீத ஆண்டு வட்டி விகிதத்தில் பணத்தினை நொடியில் திரும்பப் பெற்றுக்கொள்ளலாம்.

இதுவே பேடிஎம் பேமெண்ட்ஸ் வங்கி கணக்கு வைத்துள்ளவர்கள் மூத்த குடிமக்கள் என்றால் தானாகச் சேமிப்பு வங்கி கணக்கும் மூத்த குடிமக்களுக்கான திட்டமாக மாற்றப்பட்டுக் கூடுதல் வட்டி விகித லாபம் அளிக்கப்படும்.

பொதுவாக இந்தியர்கள் பாதுகாப்பான முதலீடு திட்டங்களில் அதிக லாபம் வேண்டும் என்று எதிர்பார்ப்பார்கள். அதற்கு ஏற்றார் போல எந்த ஆவணங்களும் இல்லாமல் நாங்கள் பேமெண்ட்ஸ் வங்கி சேவையில் பல விதமான முதலீட்டுத் திட்டங்களை அளிக்க இருக்கிறோம் என்று பேடிஎம் பேமெண்ட்ஸ் வங்கியின் நிர்வாக இயக்குனர் மற்றும் தலைமை செயல் அதிகாரியான ரேனு சத்தி கூறினார்.