இந்தியாவின் மூன்றாம் மிகப் பெரிய ஐடி மென்பொருள் நிறுவனமான விப்ரோவின் வருவாய் டிசம்பர் மாதத்துடன் முடிவடைந்த காலாண்டில் 8.5 சதவீதம் வரை சரிந்துள்ளதாக அறிவித்துள்ளது.

சென்ற வருட மூன்றாம் காலாண்டுடன் ஒப்பிடுகையில் நிகர லாபமானது 21.10 பில்லியன் ரூபாயில் இருந்து 19.31 பில்லியானாகச் சரிந்துள்ளதாக வெள்ளிக்கிழமை அறிவித்தது. விப்ரோ ஐடி சேவைகள் பிரிவில் இருந்து வருவாய் 132.35 பில்லியானாக அதிகரித்துள்ளது.

தாம்சன் ரீயூட்டர்ஸ் 21.58 பில்லியன் ரூபாய் வரை விப்ரோ நிறுவனம் மூன்றாம் காலாண்டில் வருவாய் பெறும் கனித்த நிலையில் லாவம் சரிந்துள்ளதாக விப்ரோ அறிவித்துள்ளது.

இன்றைய சந்தை நேர முடிவில் விப்ரோ நிறுவனத்தின் பங்குகள் 0.74 சதவீதம் என 2.40 புள்ளிகள் உயர்ந்து 328.45 புள்ளிகளாக வர்த்தகம் செய்யப்பட்டுள்ளது. திங்கட்கிழமை வர்த்தகம் துவங்கும் போது பங்குகள் சரிய வாய்ப்புகள் உள்ளது.