2018இல் அமெரிக்க எண்ணெய் நிறுவனங்கள் தங்களது கச்சா எண்ணெய் உற்பத்தியை அதிகரிக்கும் வகையில் டிரில்லிங் பணியை விரைவுபடுத்த திட்டமிட்டு வருகிறது.
தற்போது கச்சா எண்ணெய் விலை அதிகரித்துள்ள நிலையில் வர்த்தகச் சூழ்நிலையைக் கண்டு, இந்த முடிவை அமெரிக்க நிறுவனங்கள் எடுத்துள்ளதாகச் சர்வதேச எனர்ஜி அமைப்பு (IEA) தெரிவித்துள்ளது.
2018 சூப்பர்
2017ஆம் ஆண்டில் அமெரிக்க எண்ணெய் நிறுவனங்களில் அதிகளவில் எண்ணெய் உற்பத்தி செய்துள்ள நிலையில், 2018ஆம் ஆண்டில் டிரில்லிங் பணியை விரைவுபடுத்தும் முயற்சியில் இருக்கும் காரணத்தால் அமெரிக்க ஷேல் ஆயில் நிறுவனங்களுக்கு 2018ஆம் ஆண்டு மிகவும் சிறப்பாக இருக்கும் IEA அமைப்பு தெரிவித்துள்ளது.
சவுதி அரேபியா
இதன் மூலம் அமெரிக்கா, கச்சா எண்ணெய் உற்பத்தியில் உலகளவில் முதல் இடத்தில் இருக்கும் ரஷ்யாவிற்கு அடுத்தபடியாகவும், சவுதிக்கு இணையாகவும் முக்கிய இடத்தைப் பிடிக்கும் என எதிர்பார்க்கப்படுகிறது.
அமெரிக்கா
இன்றைய நிலையில் அமெரிக்காவில் ஒரு நாளுக்கு 9.9 மில்லியன் பேரல் கச்சா எண்ணெய் உற்பத்தி செய்து வருகிறது, இது கடந்த 50 வருடத்தில் மிகவும் அதிகமான அளவு என்பது குறிப்பிடத்தக்கது.
ரஷ்யா
2018ஆம் ஆண்டில் அமெரிக்கா ஒரு நாளுக்கு 10 மில்லியன் பேரல் கச்சா எண்ணெய்யை உற்பத்தி செய்யும் என எதிர்பார்ப்பதாகவும், இது சவுதி அரேபியா நாட்டின் அளவை விட அதிகம் என்பது மட்டும் அல்லாமல் ரஷ்ய உற்பத்தி அளவிற்குப் போட்டி போடும் அளவாக இருக்கும் என IEA அமைப்பு தெரிவித்துள்ளது.