3 வருடம்

இந்திய ரயில்வே துறையில் கடந்த 3 வருடத்தில் மட்டும் சுமார் 18,500க்கும் அதிகமானோர் மீது ஊழல் குற்றச்சாட்டுப் பதிவு செய்யப்பட்டு, உள் விசாரணை நடத்தப்பட்டு வருகிறது என நாடாளுமன்றத்தில் சமர்ப்பிக்கப்பட்ட அறிக்கையில் குறிப்பிடப்பட்டு உள்ளது.

வழக்குகள்

2015-2017ஆம் நிதியாண்டுகளில் வடக்கு ரயில்வே துறையில் மிகவும் அதிகமாக 6,121 ஊழியர்கள் மீது வழக்குப் பதிவு செய்யப்பட்டு இப்பட்டியலில் முதல் இடத்தைப் பிடித்துள்ளது.

2வது இடத்தில் தெற்கு ரயில்வே துறையில் 1,955 ஊழியர்கள் மீது வழக்குப் பதிவு செய்யப்பட்டுள்ளது.

கடைசிக் காலகட்டம்

இதில் அதிகப்படியான ஊழியர்கள், தங்களது பணியின் கடைசிக் காலத்தில் இருக்கும்போது குற்றச்சாட்டு சுமத்தப்பட்டுள்ளது.

இப்படிக் கடைசிப் பணிக்காலத்தில் ஊழியர்கள் மீது குற்றச்சாட்டு சுமத்தப்பட்டால் அவர்களுக்கு வழங்கப்படும் சேவை மற்றும் பென்ஷன் நன்மைகள் தடைப்படும்.

சில வழக்குகள்

ஓய்வுபெறும் ரயில்வே ஊழியர்களுக்குப் பேர்வெல் பார்ட்டி அரசு செலவில் கொடுக்கப்படும். இப்படி இந்த ஊழியருக்கு பார்ட்டி கொடுக்க ரயில்வே கணக்கில் பணம் போட்ட பின்பு கூடச் சிலரின் மீது ஊழல் குற்றச்சாட்டு சுமத்தப்பட்டுள்ளது எனத் தகவல்கள் கிடைத்துள்ளது.

மத்திய புலனாய்வு ஆணையம்

இந்தக் குற்றச்சாட்டுகளை ஆய்வு செய்யும் மத்திய புலனாய்வு ஆணையம் 2017ஆம் ஆண்டு வெளியிட்ட அறிக்கையில் 2016ஆம் ஆண்டில் மட்டும் ரயில்வே ஊழியர்களுக்கு எதிராகச் சுமார் 11,200 பேர் மீது புகார் வந்துள்ளது எனத் தெரிவித்துள்ளது.