சுங்க வரி

சோனி, எல்ஜி, பேனாசானிக் மற்றும் சாம்சங் நிறுவனங்கள் மத்திய அரசு சுங்க வரியினை உயர்த்தியுள்ளதால் தான் டிவியின் விலை உயர இருப்பதாகத் தெரிவித்துள்ளன. ஏற்கனவே பிரிட்ஜ், ஏசி போன்ற பொருட்களின் விலையினை மூலப்பொருட்கள் விலை உயர்வால் ஏற்கனவே உயர்த்தியுள்ளனர்.

பானாசோனிக்

பானாசோனிக் நிறுவனம் எல்ஈடி/ஓஎல்ஈடி டிவி விலையில் 2 முதல் 7 சதவீதம் வரை உயர்த்த முடிவு செய்துள்ளது. சுங்க வரி உயர்வால் தான் இந்த விலை உயர்வு முடிவு என்று பானாசோனிக் நிறுவனத்தின் இந்திய பிஸ்னஸ் பிரிவு தலைவரான நீரஜ் பால் தெரிவித்துள்ளார்.

சாம்சங்

சாம்சங் நிறுவனம் தங்களது எல்ஈடி/ஓஎல்ஈடி டிவி தயாரிப்புகளின் விலையில் 5 முதல் 6 சதவீதம் வரை விலை உயர்த்த முடிவு செய்யப்பட்டுள்ளதாகத் தெரிவித்துள்ளது.

எல்ஜி

எல்ஜி எலக்ட்ரானிக்ஸ் நிறுவனத்தின் இந்திய நிர்வாக இயக்குனரான கி வான் கிம் தங்களுக்கும் விலை ஏற்றம் செய்வதைத் தவிர வேறு எந்த வழியும் இல்லை என்று கூறியுள்ளார். விலை ஏற்றுவது குறித்த பணிகள் நடைபெற்று வருகிறது என்றும் தெரிவித்துள்ளனர்.

மத்திய அரசு

மத்திய அரசானது இறக்குமதி செய்யப்படும் எலக்ட்ரானிக்ஸ் பொருட்கள் மீதான சுங்க வரியினை 7.5 சதவீதத்தில் இருந்து 15 சதவீதமான 2018-ம் ஆண்டின் பட்ஜெட்டில் உயர்த்தியுள்ளது. அதே நேரம் எல்சிடி/எல்ஈடி/ ஓஎல்ஈடி டிவிகள் மீதான சுங்க வரியினை 10 சதவீதத்தில் இருந்து 15 சதவீதமாக உயர்த்தியுள்ளது.

உள்நாட்டு உற்பத்தியாளர்கள்

மறுபக்கம் உள்நாட்டு டிவி உற்பத்தியாளர்கள் நிறுவனங்களில் டிவி விலைகள் குறையும் என்று எதிர்பார்க்கப்படுகிறது.