ஓரம்கட்டப்பட்ட பில் கேட்ஸ்.. ஆதிக்கம் கைமாறியது..!

பில் கேட்ஸ் என்னும் பெயர் உலகின் மிகப்பெரிய பணக்காரன் என்பதன் வாயிலாகவே அதிகமானோருக்குத் தெரிந்திருக்கிறது, இதன் பின்பே அவர் மைக்ரோசாப்ட் நிறுவனத்தின் தலைவர், மென்பொருள் வர்த்தகத்தையே மாற்றிய ஒரு சிறந்த வியாபாரி என்பதை அதன் பின்னர்த் தெரிந்துகொண்டவர்கள் ஏராளம்.

பில் கேட்ஸ்

பில் கேட்ஸ் தலைமையில் மைக்ரோசாப்ட் அதன் போட்டி நிறுவனங்களாக ஆப்பிள், ஐபிஎம் போன்ற முன்னணி நிறுவனங்களைப் பின்னுக்குத் தள்ளி சமானியர்களிடமும் தனது வர்த்தகத்தைக் கொண்டு சேர்த்ததன் மூலம் பல ஆண்டுகளாக உலகப் பணக்காரர்கள் பட்டியலில் முதல் இடத்திலேயே இருந்தார்.

மாற்றம்..

இந்நிலையில் பில் கேட்ஸ் தனது சுயமுடிவின் காரணமாக மைக்ரோசாப்ட் நிறுவனத்தை விட்டு வெளியேறி தொண்டு நிறுவனத்தைத் தனது மனைவியுடன் இணைந்து துவங்கினார்.

இந்தத் தொண்டு நிறுவனத்தில் தனது அதிகப்படியான சொத்துக்களை நன்கொடையாகக் கொடுத்த காரணத்தால் இவரது சொத்து மதிப்பில் தொடர்ந்து சரிவுகள் ஏற்பட்டது.

மைக்ரோசாப்ட்

ஆனாலும் மைக்ரோசாப்ட் நிறுவனத்தின் பெரும் அளவிலான பங்குகள் பில் கேட்ஸிடம் இருந்த காரணத்தால் நிறுவனத்தை விட்டு வெளியேறிய பின்பும் முதல் இடத்திலேயே ராஜாவாகத் திகழ்ந்தார்.

போட்டி

இந்நிலையில் வர்த்தகச் சந்தையில் மைக்ரோசாப்ட் நிறுவனத்திற்குப் போட்டியாகக் குறுகிய காலகட்டத்தில் பல நிறுவனங்கள் விஸ்வரூப வளர்ச்சியை அடைந்த காரணத்தால் பில் கேட்ஸ் சொத்து மதிப்பிற்கும் பிற முன்னணி பணக்காரர்களுடைய சொத்து மதிப்பிற்குமான வித்தியாசம் குறையத் துவங்கியது.

முதல் இடத்தை இழந்தார்

கடந்த சில வருடங்களாகவே அமேசான் நிறுவனத்தின் தலைவர் ஜெப் பீசோஸ், பில் கேட்ஸ் உடன் போட்டி போட்டு வந்த நிலையில் பில்கேட்ஸ் உலகப் பணக்காரர்கள் பட்டியலில் பின்னுக்குத் தள்ளப்பட்டுள்ளார்.

உலகின் டாப் 10 பணக்காரர்கள்

2018ஆம் ஆண்டுக்கான உலகின் பணக்காரர்கள் பட்டியலைச் சீனாவின் ஹூரன் வெளியிட்டுள்ள நிலையில் இதில் பில்கேட்ஸ் அவர்களுக்குக் கிடைத்துள்ள இடத்தைப் பாருங்கள்.

முதல் இடம்

பெயர்: ஜெப் பீசோஸ்
சொத்து மதிப்பு: 123 பில்லியன் டாலர்
வருடாந்திர வளர்ச்சி: 71 சதவீதம்
நிறுவனம்: அமேசான்
வயது: 54
சொந்த நாடு: அமெரிக்கா

2வது இடம்

பெயர்: வாரன் பபெட்
சொத்து மதிப்பு: 102 பில்லியன் டாலர்
வருடாந்திர வளர்ச்சி: 31 சதவீதம்
நிறுவனம்: பெர்க்ஷைர் ஹேத்தவே
வயது: 87
சொந்த நாடு: அமெரிக்கா

3வது இடம்

பெயர்: பில் கேட்ஸ்
சொத்து மதிப்பு: 90 பில்லியன் டாலர்
வருடாந்திர வளர்ச்சி: 11 சதவீதம்
நிறுவனம்: மைக்ரோசாப்ட்
வயது: 62
சொந்த நாடு: அமெரிக்கா

4வது இடம்

பெயர்: மார்க் ஜூக்கர்பெர்க்
சொத்து மதிப்பு: 79 பில்லியன் டாலர்
வருடாந்திர வளர்ச்சி: 36 சதவீதம்
நிறுவனம்: பேஸ்புக்
வயது: 33
சொந்த நாடு: அமெரிக்கா

5வது இடம்

பெயர்: பெர்னார்டு அர்னால்ட்
சொத்து மதிப்பு: 78 பில்லியன் டாலர்
வருடாந்திர வளர்ச்சி: 105 சதவீதம்
நிறுவனம்: LVMH (லூயிஸ் வில்டான்)
வயது: 68
சொந்த நாடு: பிரான்ஸ்