புனே..

மகாராஷ்டிரா மாநிலத்தின் புனே மாநிலத்தில் பிரபலமாக இருக்கும் யூவ்லி டீ ஹவ்ஸ் நிறுவனத்தின் தலைவர் நவ்நாத் யூவ்லி மாதம் 12 லட்சம் ரூபாய் வரையிலான வருமானம் பெறுவதாகத் தெரிவித்துள்ளார்.

இதன் மூலம் இப்பிரிவில் இருக்கும் பிற டீ கடைக்காரர்களுக்குப் புதிய இலக்கை நிர்ணயம் செய்துள்ளார் நவ்நாத்.

இண்டர்நேஷனல் பிராண்டு

இதுகுறித்து நவ்நாத் யூவ்லி கூறுகையில் எங்களது பிராண்டு இந்தியா மட்டும் அல்லாமல் உலக நாடுகளுக்கு விரைவில் கொண்டு செல்ல முடிவு செய்துள்ளதாகத் தெரிவித்துள்ளார்.

பக்கோடா

மேலும் பக்கோடா போல டீ விற்பனை செய்வதன் மூலம் அதிகமான வேலைவாய்ப்புகளை உருவாக்க முடியும் என்பது மட்டுமல்லாமல். இது வேகமாக வளரும் ஒரு வர்த்தகம் என்று ANI செய்தியாளர்களிடம் கூறினார் நவ்நாத்.

3 கிளைகள்

தற்போது யூவ்லி டீ ஹவ்ஸ் சுமார் 3 கிளைகளை இதே பகுதியில் வைத்துள்ளது மட்டும் அல்லாமல் 12 பேர் மட்டுமே பணியில் அமர்த்தி மாதத்திற்குச் சுமார் 12 லட்சம் ரூபாய் வரையில் சம்பாதித்து வருகிறார் நாவ்நாத்.

எதிர்காலத்தில் 100 கிளைகளை வரை திறக்க உள்ளதாகவும் அவர் திட்டமிட்டுள்ளார்.

ஐடியா

2011ஆம் ஆண்டில் உருவான இந்த ஐடியாவை மையமாக வைத்து சற்று பெரிய அளவிலும், டீ-க்காகப் பிரத்தியேக பிராணட் உருவாக்கும் முயற்சியில் உருவாகியது யூவ்லி டீ ஹவ்ஸ்.

சுமார் 4 வருடம் டீ சுவை மற்றும் அதன் வர்த்தகத்தை ஆய்வு செய்த பின்னர், தொடர்ச்சியாக விரிவாக்கப் பணிகளைச் செய்துள்ளனர்.

தினமும்...

டீ-யின் சுவை மக்களுக்கு அதிகம் பிடித்துள்ள காரணத்தால் வாடிக்கையாளர்கள் எண்ணிக்கை தினமும் அதிகரித்து வருகிறது. இதன் மூலம் தற்போது தினமும் சுமார் 3,000 முதல் 4,000 கப் டீ-களை விற்பனை ஆகி வருகிறது.

வீடியோ

மோடி செய்த அதே வேலை தான்.. ஆனா மாதம் ரூ.12 லட்சம் வருமானம்..!