இந்தியர்கள்

இறக்குமதி வரியைக் குறைத்துள்ளதால் வெளிநாட்டு வாகனங்களை வாங்க வேண்டும் என்று இருந்த இந்தியர்களுக்கு ஆச்சர்யம் அளிக்கும் விதமாக டுக்காட்டி, ஹார்லி டேவிட்சன் மற்றும் இந்திய மோட்டார் சைக்கிள் அனைத்து நிறுவனங்களும் தங்களது வாகனங்களின் விலையினைக் குறைத்துள்ளன.

டுக்காட்டி நிறுவனம்

டுக்காட்டி நிறுவனம் குறைந்தபட்சம் 2.92 லட்சம் ரூபாய் முதல் அதிகபட்சம் 7.36 லட்சம் ரூபாய் வரை தங்களது மோட்டார் சைக்கிள் தயாரிப்புகள் மீதான விலையினைக் குறைத்துள்ளது. எனவே மாஸ்டர் 1200 பைக் மாடல் 2.92 லட்சம் ரூபாய் விலை குறைந்து 20.10 லட்சம் ரூபாயாக விற்பனை செய்யப்பட்டு வருகிறது. அதே நேரம் பனிகல் ஆர் இறுதி பதிப்பு வாகனம் 7.36 லட்சம் ரூபாய் விலை குறைந்து 51.82 லட்சம் ரூபாய் என விற்பனை செய்யப்பட்டு வருகிறது.

ஹார்லி டேவிட்சன்

ஹார்லி டேவிட்சன் மோட்டார் சைக்கிள்கள் குறைந்தபட்சம் 2.62 லட்சம் ரூபாய் முதல் அதிகபட்சம் 3.73 லட்சம் ரூபாய் வரை விலை குறைக்கப்பட்டுள்ளது.

இந்தியன் மோட்டார் சைக்கிள்ஸ்

இந்திய மோட்டார் சைக்கிள்ஸ் நிறுவனம் தங்களது வாகனங்கள் மீது 3 லட்சம் ரூபாய் வரை விலை குறைப்பினை செய்துள்ளது.

விலை உயர்த்தும் டிரையம்ப் மோட்டார்சைக்கிள்கஸ்

குறைந்த விலையில் சிபியூ வாகனங்களை விற்று வரும் டிரையம்ப் மோட்டார்சைக்கிள்கஸ் இந்தியாவில் உதிரிப்பாகங்களாக இறக்குமதி செய்து பின்னர் அசம்பிள் செய்து வாகனங்களை விற்பனை செய்து வருகிறது. புதிய பட்ஜெட்டில் கலால் வரி போன்றவற்றை உயர்த்தியுள்ளதால் 40,000 ரூபாய் முதல் 62,000 ரூபாய் வரை இந்த நிறுவன வாகனங்களின் விலையை மார்ச் 19 முதல் உயர்த்துவதாக அறிவித்துள்ளது.