ஜியோ-வை புகழ்ந்துதள்ளும் நெட்ஃபிளிக்ஸ் சீஇஓ.. அடேங்கப்பா..!

எல்லா நாடுகளிலும் ஜியோ

இந்தியாவில் ஜியோ நிறுவனம் இணையதளம் பயன்படுத்துபவர்களின் எண்ணிக்கையினைப் பெரும் அளவில் அதிகரித்தது. இதே போன்று எல்லா நாடுகளிலும் ரிலையன்ஸ் ஜியோ சேவையினை யாராவது வழங்கினால் நன்றாக இருக்கும் என்று நெட்பிளிக்ஸ் நிறுவனத்தின் தலைமை நிர்வாக அதிகாரி கூறியுள்ளார்.

ஜியோ

இந்தியாவில் ரிலையன்ஸ் ஜியோ சேவையானது 2016 செப்டம்பர் மாதம் முதல் துவங்கப்பட்டது. ஜியோ 6 மாதங்கள் வரை வாடிக்கையாளர்களுக்கு இலவசங்களை வாரி வழங்கி வந்த நிலையில் இணையதளம் மூலம் வணிகம் செய்து வரும் பலருக்கும் அதிக லாபத்தினை அளித்துள்ளது.

 

இணையதள ஸ்ட்ரீமிங் சேவைகள்

இந்தியாவில் உள்ள 30-க்கும் மேற்பட்ட இணையதள வீடியோ சேவை நிறுவனங்களுடன் போட்டி போட்டுக் கொண்டு நெட்பிளிக்ஸ், அமேசான் மற்றும் ஹாட்ஸ்டார் உள்ளிட்ட நிறுவனங்கள் வளர்ந்து வருகின்றன.

கேபிள் டிவி

இந்தியாவில் உள்ள கேபிள் நிறுவனங்கள் பல விளம்பரம் சார்ந்து இயங்கி வரும் நேரத்தில் நெட்பிளிக்ஸ் நிறுவனம் விளம்பரம் ஏதும் இல்லாமல் திரைப்படச் சேவைகளை வழங்கி வருகிறது. ஆனால் 500 ரூபாய் கட்டணத்தில் ஆங்கிலத் திரைப்படங்கள் நிகழ்ச்சிகள் மட்டும் தான் இந்த நிறுவனத்தின் சேவையாக உள்ளது.

நெட்பிளிக்ஸ் மற்றும் அமேசான்

நெட்பிளிக்ஸ் இந்தியா வந்த பிறகு அமேசான் நிறுவனம் தனது சேவையை அளிக்கத் துவங்கினால் உள்ளூர் மொழி திரைப்படங்கள், ஆங்கிலத் திரைப்படங்கள், நிகழ்ச்சிகள் எனப் பயனர்களைப் பெரும் அளவில் குவித்துள்ளது. 2017-ம் ஆண்டு நெட்பிளிக்ஸ் நிறுவனமானது 11.7 பில்லியன் டாலர் வருவாயினைப் பெற்றுள்ளது.