5 லட்சம் ரூபாய்

இத்திட்டத்தின் மூலம் ஒரு குடும்பத்திற்கு வருடம் 5 லட்சம் ரூபாய் வரையிலான காப்பீடு அளிக்கப்படும் எனப் பட்ஜெட் அறிக்கையில் அறிவிக்கப்பட்டது.

பங்கீடு

மேலும் அரசு நிர்ணயம் செய்துள்ள 2,000 ரூபாய் தொகையை மத்திய அரசு 60 சதவீதமும், மாநில அரசு 40 சதவீதம் அளவில் பங்கீடு செய்ய முடிவு செய்துள்ளது.

இத்திட்டத்திற்கு Ayushman Bharat-National Health Protection Mission எனப் பெயர் வைக்கப்பட்டுள்ளது. இதன் வாயிலாக இந்தியாவில் சுமார் 10 கோடி குடும்பங்கள் பலன் அடையும் எனவும் கணிக்கப்பட்டுள்ளது

மாநில அரசுகள்

மத்திய அரசு இத்திட்டத்தை அறிவிக்கப்பட்ட பின்பு, மாநில அரசுகளுக்கு இரு வாய்ப்புகளை அளித்துள்ளது. ஒன்று மத்திய அரசின் திட்டத்தில் சேர்ந்துகொள்வது, மற்றொன்று மாநில அரசு தனிப்பட்ட முறையில் இன்சூரன்ஸ் நிறுவனங்களுடன் இணைந்து சிறப்பான வழியில் மக்களுக்கு மருத்துவக் காப்பீடு வழங்குவது.

முன்னோடி

இத்தகைய வாய்ப்புகளைக் கொடுத்ததற்கு முக்கியக் காரணம், பல மாநிலங்களில் மத்திய அரசை விடவும் முன்னோடியான சிந்தனையில் மக்களுக்கு மாநில அரசுகள் காப்பீடு வழங்கப்பட்டுள்ளது.

மேற்கு வங்காளம்

மத்திய அரசு இத்திட்டத்தை அறிவித்த பின் மேற்கு வங்காளம் மாநிலம், தான் இத்திட்டத்தில் இருக்கப்போவதில்லை என்று திட்டவட்டமாக அறிவித்துள்ளது. இதுமட்டும் அல்லாமல் அம்மாநில அரசு தனிப்பட்ட முறையில் காப்பீடு வழங்கவும் முடிவு செய்துள்ளது.

ஆந்திர பிரதேசம்

ஆந்திர மாநிலத்தில் என்டிஆர் ஹெல்த் இன்சூரன்ஸ் திட்டம், தமிழ்நாட்டில் முதலமைச்சரின் விரிவான காப்பீட்டுத் திட்டம் போன்றவை ஏற்கனவே நடைமுறையில் உள்ள நிலையில், மத்திய அரசு இந்த மாநிலங்களுக்கு இக்காப்பீட்டை எப்படி இணைக்கப்போகிறது என்பது குறித்துத் தெரியவில்லை.

ரத்து..

இந்நிலையில் சில மாநிலங்களில் செயல்படுத்தப்பட்டுள்ள Rashtriya Swasthya Bima Yojana திட்டத்தில் 30 ரூபாய் பிரிமியம் மூலம் 30,000 ரூபாய் வரையிலான மருத்துவக் காப்பீட்டுத் திட்டம் அளிக்கப்பட்டு வந்தது. இந்தத் திட்டத்தைப் பெற மக்கள் 30 ரூபாய் செலுத்த வேண்டிய நிலையில், மத்திய மாநில அரசுகள் 750 ரூபாயை அளிக்கும்.

இந்நிலையில் புதிய திட்டம் அமலாக்கம் செய்யப்படும் போது Rashtriya Swasthya Bima Yojana திட்டம் நீக்கப்படும்.

மருத்துவக் காப்பீடு

மோடி மாஸ்..!

பை பை..!

அமர்க்களம்