ஆர்பிஐ

சென்ற மாதம் இந்தியாவில் டெபிட் மற்றும் கிரெட்ட் கார்டுகள் பயன்படுத்திச் செய்யப்பட்ட பரிவர்த்தனைகளில் பாதி மதிப்பினை யூபிஐ பெற்றுள்ளது என்று ஆர்பிஐ தெரிவித்துள்ளது.

யூபிஐ

மொபைல் செயலியை பயன்படுத்தி ஒரு வங்கி கணக்கில் இருந்து பிற வங்கி கணக்கிற்கு எந்த இடைத்தரகர்களும் இல்லாமல் பணம் பரிமாற்றம் செய்யும் முறையினை ஆர்பிஐ ஒழுங்கு முறைப் படுத்தி அறிமுகம் செய்தது. இந்தச் செயலி நேரடியாக வங்கிகளுக்கு இடையில் தொடர்பு கொண்டு பணத்தினைப் பரிமாற்றம் செய்யும்.

ரகுராம் ராஜன்

2016-ம் ஆண்டு ஆகஸ்ட் மாதம் முன்னால் ஆர்பிஐ கவர்னாராக இருந்து ரகுராம் ராஜன் அறிமுகம் செய்த யுபிஐ செயலியானது பணப் பரிவர்த்தனையினை 24 மணி நேரமும் செய்ய அனுமதிப்பது மட்டும் இல்லாமல் குறைந்த அளவில் மட்டுமே கட்டணத்தினை வசூலிக்கிறது.

டிஜிட்டல் பரிவர்த்தனைகள்

இந்திய ரிசர்வ் வங்கி வெளியிட்ட தகவலின் படி ஜனவரி மாதம் அதிகபட்சமாக 1.11 பில்லியன் டிஜிட்டல் பரிவர்த்தனைகள் செய்யப்பட்டுள்ளது, 2017 டிசம்பர் மாதம் 1.06 பில்லியன் டிஜிட்டல் பரிவர்த்தனைகள் செய்யப்பட்டதை விட 4.73 சதவீதம் உயர்ந்துள்ளது.

யூபிஐ பரிவர்த்தனைகள்

யூபிஐ பரிவர்த்தனைகள் மட்டும் என்று கணக்கு பார்த்தால் 2017 டிசம்பர் மாதம் 145.5 மில்லியன் பரிவர்த்தனைகள் செய்யப்பட்ட நிலையில் 2018 ஜனவரி மாதம் 151.7 மில்லியன் பரிவர்த்தனைகள் செய்யப்பட்டுள்ளது.

வாலெட் நிறுவனங்கள்

பேடிஎம், கூகுள் தேஜ், போன்பே மற்றும் பிம் செயலி போன்றவற்றின் வரவால் தான் யூபிஐ பரிவர்த்தனையின் அளவு உயர்ந்துள்ளது.

இ-காமர்ஸ் நிறுவனங்கள்

அமேசான், ஸ்விகி, ஓலா, பிக்பஜார் மற்றும் ஜேட் ஏர்வேஸ் போன்ற நிறுவனங்களும் யூபிஐ மூலமாகப் பணம் பெறும் சேவையினைத் தங்களது செயலிகளில் அறிமுகம் செய்துள்ளனர்.

வாட்ஸ்ஆப்

இந்திய மக்கள் அதிகளவில் பயன்படுத்தி வரும் வாட்ஸ்ஆப் செயலியில் தற்போது யூபிஐ சேவை அறிமுகம் செய்யப்பட்டுள்ளதால் வரும் நாட்களில் யூபிஐ பரிவர்த்தனையின் அளவு மேலும் அதிகரிக்கும் என்று எதிர்பார்க்கப்படுகிறது.

கிரெடிட் சூசி

இந்திய டிஜிட்டல் பரிவர்த்தனை துறையானது 200 பில்லியன் டாலர் மதிப்புடையதாகத் தற்போது உள்ளதாகவும் அது வரும் நாட்களில் உயர்ந்து 2023-ம் ஆண்டு 1 பில்லியன் டாலராக உருவெடுக்கும் என்றும் கிரெடிட் சூசி தெரிவித்துள்ளது.