அரசியல் கட்சிகள்

2016-17ஆம் நிதியாண்டில் பாரதிய ஜனதா கட்சி, காங்கிரஸ், பகுஜன் சமாஜ் கட்சி (பி.எஸ்.பி), என்சிபி (Nationalist Congress Party), இந்திய கம்யூனிஸ்ட் கட்சி (மார்க்சிஸ்ட்), இந்திய கம்யூனிஸ்ட் கட்சி (சிபிஐ) மற்றும் திரிணாமுல் காங்கிரஸ் ஆகிய கட்சிகள் சுமார் 1,559.17 கோடி ரூபாய் அளவிலான வருமானத்தைக் கணக்கில் காட்டியுள்ளனர்.

இதில் 1,228.26 கோடி ரூபாய் செலவும் செய்துள்ளது எனத் தேர்தல் ஆணையத்திற்கு இக்கட்சிகள் சமர்ப்பித்துள்ள அறிக்கையின் மூலம் வெளியாகியுள்ளது.

காலத் தாமதம்

தேர்தல் ஆணையத்திடம் வருமான அறிக்கையைச் சமர்ப்பிக்க 30 அக்டோபர் 2017ஆம் தேதியே கடைசி என அறிவிக்கப்பட்ட நிலையில் நாட்டின் முன்னணி கட்சிகள் அறிக்கையைச் சமர்ப்பித்த நாட்களைப் பாருங்கள்

பகுஜன் சமாஜ் கட்சி, என்சிபி, திரிணாமுல் காங்கிரஸ் ஆகிய கட்சிகள் சரியான நேரத்திற்குள் சமர்ப்பித்த நிலையில் இந்திய கம்யூனிஸ்ட் கட்சி 22 நாட்கள் தாமதமாகவும், என்சிபி 79 நாட்கள் தாமதமாகவும், பிஜேபி 99 நாட்கள் தாமதமாகவும், காங்கிரஸ் 138 நாட்கள் தாமதமாகவும் வருமான அறிக்கையைச் சமர்ப்பித்துள்ளது.

பிஜேபி

2015-16ஆம் ஆண்டில் இந்தியாவில் நிறைந்த கட்சியாகக் கருதப்படும் பிஜேபி வெறும் 570.86 கோடி ரூபாய் மட்டுமே மொத்த வருமானமாகக் கணக்கு காட்டிய நிலையில் 2016-17ஆம் ஆண்டில் அதாவது வெறும் ஒரு ஆண்டுக் காலத்தில் இக்கட்சியின் வருமானம் சுமார் 1,034.27 கோடி ரூபாயாக உயர்ந்துள்ளது.

இது கிட்டத்தட்ட 81.18 சதவீதம் அதிகமாகும்

காங்கிரஸ்

அதேபோல் 2015-16ஆம் ஆண்டில் காங்கிரஸ் கட்சியின் மொத்த வருமானம் 261.56 கோடி ரூபாயாக இருந்த நிலையில் 2016-17ஆம் நிதியாண்டில் 14 சதவீதம் குறைந்து 225.36 கோடி ரூபாயாகக் கணக்கு காட்டியுள்ளது.

செலவுகள்

2016-17ஆம் நிதியாண்டில் பிஜேபி கட்சியின் மொத்த வருமானமான 1,034.27 கோடி ரூபாயில் 710.057 கோடி ரூபாய் செலவு செய்துள்ளதாகக் காட்டியுள்ளது, அதேபோல் காங்கிரஸ் கட்சி வருமானத்தை விடவும் அதிகமாக, அதாவது 321.66 கோடி ரூபாய் அளவில் செலவு செய்துள்ளதாக அறிக்கையில் தெரிவித்துள்ளது.

எப்படி..?

பிஜேபி மற்றும் காங்கிரஸ் கட்சிகளின் 3 முக்கிய வருமான வழிகளில் நன்கொடை/பங்களிப்பு ஆகியவை முக்கியமானதாக உள்ளது, இதன் மூலம் பிஜேபி 997.12 கோடியும் (மொத்த வருமானத்தில் இது 96.41%), காங்கிரஸ் 50.626 கோடி ரூபாய் வருமானத்தைப் பெற்றுள்ளது.

மேலும் காங்கிரஸ் கூப்பன் வாயிலாகச் சுமார் 115.644 கோடி ரூபாய் பெற்றுள்ளது.

முக்கியச் செலவுகள்

2016-17ஆம் நிதியாண்டில் பிஜேபி தேர்தல் மற்றும் இதர பிரச்சாரங்களுக்காகச் சுமார் 606.64 கோடி ரூபாயை செலவு செய்துள்ளது, இதைத் தொடர்ந்து நிர்வாகச் செலவாக 69.78 கோடி ரூபாய்ச் செலவாகியுள்ளதாக இக்கட்சி தெரிவித்துள்ளது.

காங்கிரஸ் கட்சி இக்காலகட்டத்தில் தேர்தல் மற்றும் இதர பிரச்சாரங்களுக்காக 149.65 கோடி ரூபாயும், நிர்வாகச் செலவுகள் மற்றும் பொதுச் செலவுகள் என்ற பெயரில் 115.65 கோடி ரூபாயைக் கணக்கு காட்டியுள்ளது.

சிபிஎம்

2015-16இல் 107.48 கோடி ரூபாய் வருமானமாகப் பெற்ற இந்திய கம்யூனிஸ்ட் கட்சி (மார்க்சிஸ்ட்) 2016-17ஆம் நிதியாண்டில் 100.256 கோடி ரூபாய் மட்டுமே வருமானமாகப் பெற்றுள்ளது.

பகுஜன் சமாஜ் கட்சி

2015-16இல் 47.385 கோடி ரூபாய் வருமானமாகப் பெற்ற பகுஜன் சமாஜ் கட்சி (மார்க்சிஸ்ட்) 2016-17ஆம் நிதியாண்டில் 173.58 கோடி ரூபாயை வருமானமாகப் பெற்றுள்ளது.

திரிணாமுல் காங்கிரஸ்

2015-16ஆம் நிதியாண்டில் 34.578 கோடி ரூபாயை வருமானமாகப் பெற்ற திரிணாமுல் காங்கிரஸ் 2016-17இல் 6.39 கோடி ரூபாய் மட்டுமே வருமானமாகப் பெற்றுள்ளது.

என்சிபி

2015-16ஆம் நிதியாண்டில் 9.137 கோடி ரூபாயை வருமானமாகப் பெற்ற என்சிபி கட்சி 2016-17இல் 17.235 கோடி ரூபாய் மட்டுமே வருமானமாகப் பெற்றுள்ளது.

இந்திய கம்யூனிஸ்ட் கட்சி

2015-16இல் 2.176 கோடி ரூபாய் வருமானமாகப் பெற்ற இந்திய கம்யூனிஸ்ட் கட்சி 2016-17ஆம் நிதியாண்டில் 2.079 கோடி ரூபாயை வருமானமாகப் பெற்றுள்ளது.

7 கட்சிகள்

இங்குப் பட்டியலிட்டுள்ள நாட்டின் முன்னணி 7 தேசிய கட்சிகளின் மொத்த வருமானத்தில் 74.98 சதவீத தொகை தன்னார்வ பங்களிப்பின் மூலம் பெற்றுள்ளது.

வங்கி மற்றும் வைப்பு நிதி

மேலும் 7 கட்சிகள் வங்கி மற்றும் வைப்பு நிதி மூலம் சுமார் 128.60 கோடி ரூபாய் அளவிலான வட்டி வருமானத்தைப் பெற்றுள்ளது.