இந்தியாவின் தொழில்துறை உற்பத்தி சென்ற வருட பிப்ரவரி மாதத்துடன் ஒப்பிடும் போது 2018-ம் ஆண்டு 7.1 சதவீதமாக உயர்ந்துள்ளது. 2017 டிசம்பர் மாதம் 7.1 சதவீதமாக இருந்து இந்தியாவின் தொழில்துறை உற்பத்தி 2018 ஜனவரியில் 7.5 சதவீதமாக உயர்ந்த நிலையில் மீண்டும் பிப்ரவரி மாதம் 7.1 சதவீதமாகச் சரிந்துள்ளது.

சில்லறை பணவீக்கமானது பிப்ரவரி மாதம் 4.44 சதவீதமாக இருந்த நிலையில் மார்ச் மாதம் 4.28 சதவீதமாகக் குறைந்துள்ளது. நுகர்வோர் விலை குறியீடும் 5 மாதம் இல்லாத அளவிற்குக் குறைந்திருக்கிறது.

அன்மை தரவுகளை வைத்துப் பார்க்கும் போது டிசம்பர் மாதம் 17 மாத உயர்வைப் பணவீக்கம் சந்தித்ததினை அடுத்து ஜனவரி மாதம் முதல் தொடர்ந்து 3 மாதமாகக் குறைந்து வருகிறது.

பொருளாதார நிபுணர்கள் பணவீக்கமானது வரும் மாதங்களில் அதிகரிக்க வாய்ப்புள்ளதாகத் தெரிவித்துள்ளனர். சென்ற வாரம் இந்திய ரிசர்வ் வங்கியானது ரெப்போ விகிதத்தினைக் குறைக்காமல் 6 சதவீதமாக நீட்டித்தது. அதுமட்டும் இல்லாமல் ஜனவரி - மார்ச் பணவீக்க கணிப்பினை 5.1 சதவீதத்தில் இருந்து 4.5 சதவீதமாகவும் குறைத்து அறிவித்தது.

ஆர்பிஐ வங்கி 2018-2019 நிதி ஆண்டுக்கான நுகர்வோர் விலை குறியீடு பணவீக்கம் முதல் அரையாண்டில் 5.1 சதவீதத்தில் இருந்து 4.7 சதவீதமாக இருக்கும் என்றும் இரண்டாம் பாதியில் 4.4 சதவீதமாக இருக்கும் என்றும் இது வீட்டு வாடகை படி உட்பட என்று தெரிவித்து இருப்பதும் குறிப்பிடத்தக்கது.