2017-2018 நிதி ஆண்டுக்கான ஐடிஆர் விண்ணப்பம் வெளியானது..!

வருமான வரி தாக்கல் இணையதளமான www.incometaxindia.gov.in-ல் மாத சம்பளம் வாங்குபவர்கள் பயன்படுத்தும் ஐடிஆர்-1 வருமான வரி தாக்கல் படிவும் வெளியானதாக மூத்த அதிகாரி தெரிவித்துள்ளார்.

ஏப்ரல் 5-ம் தேதி அறிமுகம் செய்யப்பட்ட ஒரு பக்கத்தில் வருமான தாக்கல் செய்யக் கூடிய ஐடிஆர் படிவமும் திங்கட்கிழமை முதல் பயன்பாட்டிற்கு வந்துள்ளது. பிற ஐடிஆர் படிவங்கள் விரைவில் வெளியிடப்படும் என்றும் வருமான வரித் துறை கூறியுள்ளது.

புதிய ஐடிஆர் படிவம்

புதிய ஐடிஆர் படிவத்தில் மட்டுமே 2017-2018 நிதி ஆண்டிற்கான வருமான வரியைத் தாக்கல் செய்ய வேண்டும். அது மட்டும் இல்லாமல் இந்தப் படிவத்தில் பிஸ்னஸ்மேன்கள் தங்களது ஜிஎஸ்டி எண் மற்றும் வருவாயினை உள்ளிடுவதற்கான தெரிவையும் அளித்துள்ளனர்.

7 ஐடிஆர் படிவங்கள்

புதிய மற்றும் பழைய ஐடிஆர் படிவத்திற்கும் பெரியதாக மாற்றம் ஏதும் இல்லை. சில வகை வருமான வரிச் செலுத்துனர்களைத் தவிரப் பிறர் அனைவரும் 7 ஐடிஆர் படிவங்களையும் மின்னணு முறையில் தாக்கல் செய்யலாம்.