ஆயுத பூஜை

ஆயுத பூஜை போன்ற காலங்களில் நாம் இது போன்று நமது ஊரில் பூஹை செய்து பார்த்துள்ள நிலையில் இணையத்தில் வெளியாகியுள்ள வீடியோவானது ஏடிஎம் மையத்தில் ஏற்பட்டுள்ள பணத் தட்டுப்பாட்டில் இருந்து விடுபட என்பதால் டிரெண்ட் ஆகியுள்ளது.

‘ஏடிஎம் தேவா’ பூஜை

இணையத்தில் வெளியாகி உள்ள அந்த வீடியோவில் வணிகர்கள் ஏடிஎம் மையத்தில் உள்ள ‘பணம் இல்லை' என்ற அறிவிப்புப் பலகையினைப் பார்த்த உடன் ஆரத்தி தட்டில், மலர், விளக்கு போன்றவற்றை வைத்து ஏடிஎம் தேவா என்று பூஜை செய்கிறார்.

போராட்டம்

அதுமட்டும் இல்லாமல் அங்கு இருந்த வணிகர்கள் தங்கள் கைகளில் ஏடிஎம் மையங்களில் ஏற்பட்டுள்ள பணத் தட்டுப்பாட்டிற்கு எதிரான போராட்ட பலகைகளையும் கைகளில் ஏந்தி வந்திருந்தனர்.

வணிகர்கள்

ஏடிஎம் மையத்தின் அருகில் உள்ள வணிகர்கள் பணத் தட்டுப்பாட்டால் வணிகம் பாதிக்கப்பட்டுள்ளதாகவும், வாடிக்கையாளர் எண்ணிக்கை குறைவாக உள்ளதாகவும் அதற்காகவே இப்படிப் போராட்டத்தினை நடத்தியுள்ளதாகவும் கூறுகின்றனர்.

மத்திய அரசு

மத்திய அரசு செவ்வாய்க்கிழமை நாடு முழுவதும் தற்காலிக பணத் தட்டுப்பாடு நிலவியுள்ளது என்பதை உறுதி செய்துள்ளது. அதுமட்டும் இல்லாமல் ஒரு வாரத்தில் சரி செய்யப்படும் என்றும் தெரிவித்துள்ளது.

பணத் தட்டுப்பாட்டில் சிக்கித் தவிக்கும் மாநிலங்கள்

முதன் முதலில் ஆந்திரா, தெலுங்கானாவில் துவங்கிய பணத் தட்டுப்பாடானது கர்நாடகா, மகாராஷ்டிரா, ராஜஸ்தான், உத்திர பிரதேசம், மத்திய பிரதேசம் என அதிகரித்தது. பலர் டிவிட்டர் உள்ளிட்ட சமுக வலைத்தளங்களில் இது குறித்துக் கடுமையான கருத்துக்களைத் தெரிவித்து வருகின்றனர்.