பகுதி வாரியான சந்தாதார்கள் எண்ணிக்கை

நகர் பகுதிகளில் வயர்லஸ் சந்தாதார்கள் எண்ணிக்கை ஜனவரி மாதம் இருந்து 652.85 மில்லியனாக இருந்த நிலையில் பிப்ரவரி மாத இறுதியில் 650.03 மில்லியனாகச் சரிந்துள்ளது. அதே நேரம் கிராமப்புறங்களில் 499.09 மில்லியனில் இருந்து 506.84 மில்லியனாக அதிகரித்துள்ளது.

பொதுத் துறை vs தனியார் துறை

பொதுத் துறை நிறுவனங்களுடன் ஒப்பிடும் போது எப்போதும் போலத் தனியார் நிறுவனங்கள் தங்களது ஆதிக்கத்தினைப் பெரும் அளவில் செலுத்தி வருகின்றன. தனியார் துறை வசம் 90.51 சதவீத டெலிகாம் சந்தை உள்ள நிலையில் பொதுத் துறை வசம் 9.49 சதவீதம் மட்டுமே உள்ளது.

டெலிகாம் சந்தை நிலவரம்

ஏர்டெல் வசம் 25.57 சதவீதமும், வோடாபோன் வசம் 18.76 சதவீதமும், ஐடியா வசம் 17.47 சதவீதமும், ரிலையன்ஸ் ஜியோ வசம் 15.31 சதவீதமும், பிஎஸ்என்எல் வசம் 9.43 சதவீதமும், ஏர்செல் வசம் 6.82 சதவீதமும், டெலினார் வசம் 3.40 சதவீதமும், டாடா வசம் 2.87 சதவீதமும், எம்டிஎன்எல் வசம் 0.31 சதவீதமும், ஆர்காம் வசம் 0.06 சதவீதமும் டெலிகாம் சந்தை உள்ளது.

புதிய சந்தாதார்கள்

ஆர்காம், ஏர்செல், டெலினார், டாடா மற்றும் எம்டிஎன்எல் வாடிக்கையாளர்கள் எண்ணிக்கையானது சரிந்துள்ள நிலையில் பிஎஸ்என்எல், வோடாபோன், பார்தி ஏர்டெல், ஐடியா மற்றும் ரிலையன்ஸ் ஜியோவில் வாடிக்கையாளர்கள் எண்ணிக்கை அதிகரித்துள்ளது.

பிப்ரவரி மாதம் ரிலையன்ஸ் ஜியோவில் அதிகபட்சமாக 8.7 மில்லியன் வாடிக்கையாளர்களும், ஐடியாவில் 4.4 மில்லியன் வாடிக்கையாளர்களும், ஏர்டெல்லில் 4.1 பில்லியன் வாடிக்கையாளர்களும், வோடாபோனில் 3.2 மில்லியன் வாடிக்கையாளர்களும், பிஎஸ்என்எல்-ல் 0.8 மில்லியன் வாடிக்கையாளர்களும் அதிகரித்துள்ளனர்.

பிப்ரவரி மாத வளர்ச்சி

2018 பிப்ரவரி மாதம் ரிலையன்ஸ் ஜியோவில் அதிகபட்சமாக 5.19 சதவீதமும், ஐடியாவில் 2.24 சதவீதமும், வோடபோனில் 1.52 சதவீதமும், ஏர்டெல்லில் 1.43 சதவீதமும் கூடுதலாக வாடிக்கையாளர்கள் சேர்ந்துள்ளனர்.

நடப்பு சந்தை நிலவரம்

ஜியோ சேவை வந்த பிறகு ஏர்டெல், ஐடியா மற்றும் வோடாபோன் உள்ளிட்ட நிறுவனங்களும் தங்களது திட்டங்களின் விலையினைக் குறைத்து அதிகத் தரவை அளிப்பதால் மக்கள் அதிகளவில் ரிலையண்ஸ் ஜியோவிற்கு ஆதரவு அளித்து வருகின்றனர்.