இந்தியாவின் இரண்டாம் மிகப் பெரிய தனியார் துறை வங்கி நிறுவனமான எச்டிஎப்சி 1 கோடி ரூபாய்க்கும் குறைவான டெபாசிட் திட்டங்கள் மீதான வட்டி விகிதத்தினை 0.10 சதவீதம் வரை உயர்த்தியுள்ளது.
இதன் மூலம் எச்டிஎப்சி வங்கியின் ஒரு வருட பிக்சட் டெபாசிட் திட்டங்களில் முதலீடு செய்பவர்களுக்கு 6.85 சதவீதம் வரை லாபம் கிடைக்கும்.
7 நாட்கள் முதல் 6 மாதம் வரை
ஒரு வருடத்திற்கும் குறைவான பிக்சட் டெபாசிட் திட்டங்களில் எச்டிஎப்சி வங்கி எந்த ஒரு மாற்றத்தினையும் செய்யவில்லை. எனவே 7 முதல் 14 நாட்கள் வரை பிக்சட் டெபாசிட் திட்டங்களில் முதலீடு செய்தால் 3.50%, 15 முதல் 29 நாட்கள் வரை டெபாசிட் செய்தால் 4.25 சதவீதமும், 30 முதல் 45 நாட்கள் வரை முதலீடு செய்தால் 5.50%, 46 நாட்கள் முதல் 6 மாதங்கள் வரை முதலீடு செய்தால் 5.75% வரையிலும் லாபம் அளிக்கும்.
6 மாதம் 1 நாள் முதல் 364 நாட்கள் வரை
எச்டிபெசி வங்கியின் பிக்சட் டெபாசிட் திட்டங்களில் 6 மாதம் 1 நாள் முதல் 9 மாதம் 15 நாட்கள் வரை டெபாசிட் செய்தால் 6%, இதுவே 9 மாதம் 16 நாட்கள் முதல் 364 நாட்கள் வரை முதலீடு செய்தால் 6.25 சதவீதமும் லாபம் அளிக்கும்.
ஒரு வருட பிக்சட் டெபாசிட்
எச்டிஎப்சி வங்கியின் ஒரு வருட பிக்சட் டெபாசிட் திட்டத்தில் முதலீடு செய்தால் 6.75 சதவீதம் என்ற வட்டி விகித லாபம் 6.85 சதவீதமாக உயர்த்தப்பட்டுள்ளது.
ஒரு வருடம் 17 நாட்கள் முதல் 2 வருடங்கள்
ஒரு வருடம் 17 நாட்கள் முதல் 2 வருடங்கள் வரையிலான எச்டிஎப்சி வங்கியின் பிக்சட் டெபாசிட் திட்டங்களில் முதலீடு செய்தால் இதற்கு முன்பு இருந்த 6.25 சதவீத வட்டி விகித லாபத்தினை 0.75 சதவீதம் உயர்த்தி 0.75 சதவீதமாக அறிவித்துள்ளது.
1% உயர்வு
இரண்டு வருடம் முதல் 5 ஆண்டுகள் வரை டெபாசிட் செய்பவர்களுக்கு 6 சதவீதத்தில் இருந்து 7 சதவீதம் வரை லாபம் அளிக்க இருப்பதாக எச்டிஎப்சி வங்கி அறிவித்துள்ளது.
மூத்த குடிமக்கள்
இதுவே பிக்சட் டெபாசி திட்டத்தில் முதலீடு செய்பவர்கள் மூத்த குடிமக்களாக இருந்தால் கூடுதலாக 0.25 சதவீதம் வரை லாபம் பெறுவார்கள்.
ரீடெயில் டெபாசிட்
ரீடெயில் டெபாசிட் திட்டத்தில் 5 வருடம் முதல் 10 வரை முதலீடு செய்பவர்களுக்கு 6 சதவீத வட்டி விகித லாபமே தொடர்ந்து அளிக்கப்படும்.
எஸ்பிஐ மற்றும் ஐசிஐசிஐ
எச்டிஎப்சி வங்கி போன்றே எஸ்பிஐ மற்றும் ஐசிஐசிஐ வங்கிகள் இரண்டும் பிப்ரவரி மாதம் முதல் பிக்சட் டெபாசிட் மீதான வட்டி விகிதத்தினை உயர்த்தியுள்ளன.