2018

2018-ம் ஆண்டில் முதற்கட்டமாக 5 கடைகளைத் திறக்க இருப்பதாகவும் அடுத்த ஆண்டு 12 முதல் 15 கடைகளைத் திறக்க இருப்பதாகவும் கிரிஷ் ஐயர் குறிப்பிட்டது மட்டும் இல்லாமல் இந்திய கடைகள் எல்லாம் லாபத்தில் இயங்கி வருகிறது என்றும் தெரிவித்திருந்தார்.

வால்மார்ட்

இந்தியாவில் தற்போது வால்மார்ட்டிற்கு 9 மாநிலங்கள் மற்றும் 19 நகரங்களில் கடைகளைத் திறந்துள்ள நிலையில் பஞ்சாப், ஹரியானா, உத்திரப் பிரதேசம், உத்தரகண்ட், மகாராஷ்டிரா, ஆந்திரப் பிரதேசம் மற்றும் தெலுங்கானா ஆகிய மாநிலங்களில் கடைகளைத் திறக்க முடிவு செய்துள்ளதும் தெரியவந்துள்ளது.

வால்மார்ட்-பிளிப்கார்ட்

வால்மார்ட் தற்போது 5,000-க்கும் மேற்பட்ட பொருட்களை மொத்த விலையில் தனது கடைகள் மூலமாக விற்பனை செய்து வரும் நிலையில் புதன்கிழமை வால்மார்ட் வெற்றிகரமாகப் பிளிப்கார்ட் நிறுவனத்தின் 77 சதவீத பங்குகளை 14 பில்லியன் டாலர் கொடுத்து வாங்கியுள்ளது மட்டும் இல்லாமல் 2 பில்லியன் டாலர் தொகையினை முதலீடாகச் செய்ய உள்ளது.

எப்டிஐ

இந்திய ரீடெயில் துறையில் வெளிநாட்டு நிறுவனங்கள் முதலீடு செய்து கடைகளைத் திறக்கின்றன என்றால் அந்த நகரத்தில் குறைந்து 10 லட்சம் வரை மக்கள் தொகை இருக்க வேண்டும் என்பது குறிப்பிடத்தக்கது.