இந்திய ஈகாமர்ஸ்

ஜப்பான் சாப்ட்பேங்க்-ஐ இந்திய இண்டர்நெட் நிறுவனங்களின் அதிரடி வளர்ச்சி பெரிய அளவில் ஈர்த்துள்ளது என்றால் மிகையாகாது. ஏற்கனவை பிளிப்கார்ட் நிறுவனத்தில் முதலீடு செய்துள்ள சாப்ட்பேங்க், இந்திய ஈகாமர்ஸ் சந்தையில் தனது ஆதிக்கத்தை அதிகரித்துக்கொள்ளப் பேடிஎம் மால் நிறுவனத்தில் கூடுதலாக முதலீடு செய்யத் திட்டமிட்டுள்ளது.

பேடிஎம் மால்

சாப்ட்பேங்க் நிறுவனம் ஏற்கனவே பேடிஎம் நிறுவனத்தின் தாய் நிறுவனமான ஓன்97-இல் முதலீடு செய்துள்ள நிலையில், தற்போத இந்நிறுவனத்தின் ஈகாமர்ஸ் வர்த்தக நிறுவனமான பேடிஎம் மால் நிறுவனத்தில் 3 பில்லியன் டாலர் வரையில் முதலீடு செய்ய விருப்பம் தெரிவித்துள்ளது.

தோல்வி

அதேபோல் சாப்ட்பேங்க் ஸ்னாப்டீல் நிறுவனத்தில் அதிகளவில் முதலீடு செய்துள்ள நிலையில், இந்நிறுவனத்தின் தொடர் வர்த்தக வீழ்ச்சியின் காரணமாக ஸ்னாப்டீல் நிறுவனத்தைப் பிளிப்கார்ட் உடன் இணைக்கும் பேச்சுவார்த்தையில் தோல்வியைச் சந்தித்தது.

ஆரம்பக் கட்டம்...

சாப்ட்பேங்க் நிறுவனத்தின் 3 பில்லியன் டாலர் முதலீடு குறித்த பேச்சுவார்த்தை தற்போது ஆரம்பகட்டத்திலேயே உள்ள நிலையில், இதன் வெற்றி வாய்ப்புகள் குறித்துத் தற்போது பேச முடியாது.

அசத்தலான முதலீடுகள்

இந்தியாவில் வெற்றிபெற்ற பல முன்னணி இண்டர்நெட் நிறுவனங்களில் சாப்ட்பேங்க் பெரிய அளவில் முதலீடு செய்து சத்தமில்லாமல் இதனைப் பின்னால் இருந்து ஆட்டிவைத்து வருகிறது.

இதன் படி பிளிப்கார்ட் நிறுவனத்தில் 2.5 பில்லியன் டாலர், ஒன்97 கம்யூனிகேஷன்ஸ் நிறுவனத்தில் 1.4 பில்லியன் டாலர், ஓஒய்ஓ நிறுவனத்தில் 250 மில்லியன் டாலர், ஓலா நிறுவனத்தில் 1.1 பில்லியன் டாலர், ஸ்னாப்டீல் நிறுவனத்தில் 627 மில்லியன் டாலர் என முதலீட்டை அள்ளி வீசியுள்ளது.

5 பில்லியன் டாலர்

ஏப்ரல் -டிசம்பர் 2017 வரையிலான காலத்தில் மட்டும் சாப்ட்பேங்க் இந்திய நிறுவனங்களில் சுமார் 5 பில்லியன் டாலர் வரையிலான முதலீட்டைச் செய்துள்ளது.

இந்தியாவில் இந்நிறுவனம் செய்த முதலீட்டுத் தொகை மட்டும் 8 பில்லியன் டாலர்.