இந்தியா

ஆர்பிஏசியா பேங் குளோபல் வெல்த் மைகிரேஷன் அமைப்பு செய்த ஆய்வின் படி இந்திய மக்களின் மொத்த செல்வம் 8,230 பில்லியன் டாலர் என மதிப்பிடப்பட்டுள்ளது நிலையில் உலகின் பணக்கார நாடுகள் என்னும் இப்பட்டியலில் இந்தியா 6வது இடத்தைப் பெற்றுள்ளது.

முதல் இடம்

வழக்கம்போல் சந்தேகத்திற்கு இடமின்றி அமெரிக்கா 62,584 பில்லியன் டாலர் உடன் முதல் இடத்திலும், சீனா 24,803 பில்லியன் டாலருடன் 2வது இடத்திலும், 19,522 பில்லியன் டாலருடன் ஜப்பான் 3வது இடத்திலும் உள்ளது.

மக்கள் தொகை

இந்தப் பட்டியலில் மக்கள் தொகை அதிகம் கொண்ட நாடுகளுக்கு டாப் 10 பட்டியலில் இடம்பெற அளவிலான வாய்ப்புகள் கிடைத்துள்ளது.

பிரிட்டன் முதல் இத்தாலி வரை

அதேபோல் பிரிட்டன் 9,919 பில்லியன் டாலர் உடன் 4வது இடத்திலும், ஜெர்மனி 9,660 பில்லியன் டாலர் மதிப்பில் 5வது இடத்தையும், இந்தியா 6வது இடத்தையும், ஆஸ்திரேலியா 6,142 பில்லியன் டாலர் உடன் 7வது இடத்தையும்,, கனடா 6,393 பில்லியன் டாலர் மதிப்புடன் 8வது இடத்தையும், பிரான்ஸ் 6,649 பில்லியன் டாலர் மதிப்புடன் 9வது இடத்தையும், இத்தாலி 4,276 பில்லியன் டாலர் உடன் 10வது இடத்தையும் பிடித்துள்ளது.

முக்கியக் காரணிகள்

இந்தியாவில் இவ்வளவு பெரிய வளம் உருவாக்க முக்கியக் காரணமாக அமைந்தது, அதிகளவிலான தொழில்முனைவோர்கள், சிறந்த கல்வி அமைப்பு, ஐடி துறையில் ஏற்பட்ட மிகப்பெரிய வளர்ச்சி ஆகியவை முக்கியமாக இருந்தது. இதுமட்டும் அல்லாமல் வர்த்தக வாய்ப்புகள், ரியல் எஸ்டேட், சுகாதாரம், மீடியா ஆகிய துறைகள் கடந்த 10 வருடத்தில் சுமார் 200 சதவீதம் வளர்ச்சி அடைந்து அசத்தியுள்ளது.

2027இல்..

அடுத்த 10 வருடத்தில் சீனா மக்களின் மொத்த சொத்து மதிப்பு 69,449 பில்லியன் டாலராகவும், அமெரிக்காவின் சொத்து மதிப்பு 75,101 பில்லியன் டாலராகவும் உயரும் எனவும் கணிக்கப்பட்டுள்ளது.

அதேபோல் இந்தியா 2027இல் பிரிட்டன், ஜெர்மனி நாடுகளைப் பின்னுக்குத் தள்ளி இப்பட்டியலில் 4வது இடத்தைப் பிடிக்கும் என எதிர்பார்க்கப்படுகிறது.