மாருதி சுசூகி இந்தியா நிறுவனம் உள்ளீடு செலவுகள் அதிகரித்துள்ளதால் ஜூன் மாதம் முதல் தங்கள் கார்களின் விலையினை 1.9 சதவீதம் வரை உயர்த்த இருப்பதாக டீலர்களுக்கு மின்னஞ்சல் அனுப்பியுள்ளதாகத் தமிழ் குட்ரிட்டர்ன்ஸ் தளத்திற்குக் கிடைத்த தகவல்கள் கூறுகின்றன.
ரூபாய் மதிப்புச் சரிவு
இந்த விலை ஏற்றத்திற்கு ஜப்பான் நாணயமான யென்னிற்கு எதிராகச் சரிந்து வரும் இந்திய ரூபாய் மதிப்பும் ஒரு முக்கியக் காரணம் ஆகும் என்று வல்லுநர்கள் கூறுகின்றனர்.
மின்னஞ்சல்
டீலர்களுக்கு அனுப்பப்பட்டுள்ள மின்னஞ்சலில் ஜூன் 18 முதல் தங்கலது கார் மாடல்களின் விலையினை உயர்த்த முடிவு செய்வதை முன்கூட்டியே அறிவிப்பது தான் இந்த மின்னஞ்சலின் நோக்கம் என்றும் கார்களின் மாடல் பொருத்து விலை ஏற்றம் மாறும் என்றும், அதிகபட்சம் 1.9 சதவீதம் வரை விலை ஏற்றம் இருக்கும் என்றும் தெரிவித்துள்ளது.
ஆர்டர்கள்
வாடிக்கையாளர்களிடம் இருந்து ஆர்டர்களைப் பெரும் போது முன்னெச்சரிக்கையாக இருக்கவும் என்றும் ஏற்கனவே கார் புக்கிங் செய்துள்ள வாடிக்கையாளர்களுக்கு முடிந்த வரை விரைவாகத் தொழிற்சாலையில் இருந்து வானங்களை டெலிவரி எடுக்குமாறும் கேட்டுக்கொண்டுள்ளது.
நிலுவை
கார் ஆர்டர்கள் நிலுவையில் இருந்தாலும் விலை உயர்வில் பாதுகாப்பு இருக்காது என்பதைத் தெரிவித்துக்கொள்வதாகவும் அறிவிப்புத் தேதியில் இருந்த புதிய விலைக்கு மட்டும் தான் கார்கள் விநியோகிக்கப்படும் என்றும் மாருதி சுசூகி தெரிவித்துள்ளது.