43 பைசா

மாத இறுதியின் காரணமாக இறக்குமதியாளர்கள் மத்தியில் அதிகளவிலான டாலர் தேவை ஏற்பட்டுள்ளது. இதன் காரணமாகச் செவ்வாய்க்கிழமை வர்த்தகத்தில் அமெரிக்கா டாலருக்கு எதிரான ரூபாய் மதிப்பில் 43 பைசா சரிந்து 67.86 ரூபாய்க்கு வர்த்தகம் செய்யப்பட்டது குறிப்பிடத்தக்கது.

ஆசிய சந்தை

மேலும் நேற்றைய வர்த்தகத்தில் ஆசிய சந்தையும், வளரும் நாடிகளின் நாணய மதிப்பு அதிகளவில் பாதிக்கப்பட்ட காரணத்தினால் ஒரே நாளில் இந்திய ரூபாய் மதிப்பு 43 பைசா வரையில் சரிந்தது குறிப்பிடத்தக்கது.

இத்தாலி பிரச்சனை

இத்தாலியில் நிலவும் அரசியல் பிரச்சனையின் காரணமாக யூரோ சந்தையில், நாணய மதிப்பிலும் தற்போது ஸ்திரமற்ற நிலை நிலவுகிறது. இதுவும் அமெரிக்க டாலருக்கு எதிரான இந்திய ரூபாய் மதிப்பில் சரிவுக்கு முக்கியக் காரணமாக அமைந்துள்ளது.

பங்குச் சந்தை

இதுமட்டும் அல்லாமல் நேற்றைப் பங்குச்சந்தை வர்த்தகத்தில் அன்னிய முதலீட்டாளர்கள் முதலீடு செய்யாமல், அதிகளவிலான பங்குகளை விற்று வெளியேறிய காரணத்தாலும் ரூபாய் மதிப்பு பெரிய அளவில் பாதிக்கப்பட்டது.

நாணய மதிப்பு

1 அமெரிக்க டாலர் (USD) - 67.72 ரூபாய்
1 யூரோ (EURO) - 78.18 ரூபாய்
1 பிரிட்டன் பவுண்ட் (GBP) - 89.79 ரூபாய்
1 ஏமிரேட் திராஹாம் (AED) - 18.44 ரூபாய்
1 சவுதி ரியால் (SAR) - 18.06 ரூபாய்