இந்தியாவின் மிகப்பெரிய கச்சா எண்ணெய் சுத்திகரிப்பு ஆலையை வைத்திருக்கும் ரிலையன்ஸ் இண்டஸ்ட்ரீஸ் ஈரான் நாட்டில் இருந்து கச்சா எண்ணெய் இறக்குமதி செய்வதை நிறுத்த முடிவு செய்துள்ளது.
இதன் மூலம் முகேஷ் அம்பானி தலைமையிலான ரிலையன்ஸ் நிறுவனமும் இனி பிரெண்ட் மற்றும் துபாய் கச்சா எண்ணெய் நம்பியே தனது சுத்திகரிப்பு பணிகளைச் செய்ய வேண்டிய கட்டாயத்தில் உள்ளது.
டிரம்ப் அரசு
அமெரிக்க அரசு ஈரான் அணுசக்தி ஒப்பந்தத்தில் வெளியேற முடிவு செய்துள்ள நிலையில் அடுத்தச் சில மாதங்களில் ஈரான் மீது அமெரிக்க வர்த்தகத் தடை விதிக்க உள்ளது. இதனால் இந்நாட்டுடன் யாரும் வர்த்தகம் செய்ய முடியாத நிலைக்குத் தள்ளப்பட உள்ளது.
முகேஷ் அம்பானி
இதன் எதிரொலியாகவே தற்போது முகேஷ் அம்பானி தலைமையிலான ரிலையன்ஸ் ஈரான் நாட்டில் இருந்து கச்சா எண்ணெய் இறக்குமதி செய்ய வேண்டாம் என முடிவு செய்துள்ளது. மேலும் அமெரிக்கா ஈரான் மீது விதிக்க உள்ள வர்த்தகத் தடை அக்டோபர் மாதம் நடைமுறைக்கு வரும் எனவும் தெரிகிறது.
ஈரான் கச்சா எண்ணெய்
இந்த வர்த்தகத் தடையினால் சர்வதேச சந்தைக்கு வரும் ஈரான் நாட்டின் கச்சா எண்ணெய் முழுமையாகத் தடைப்படும். இதனால் கச்சா எண்ணெய் விற்பனை சந்தையில் தட்டுப்பாடு ஏற்பட்டு இதன் விலை அதிகளவில் உயரும் அபாயம் ஏற்பட்டுள்ளது.
14 லட்சம் பேரல்
ரிலையன்ஸ் இண்டஸ்ட்ரீஸ் நிறுவனத்தின் ஜாம்நகர் சுத்திகரிப்பு ஆலை மூலம் ஒருநாளுக்குச் சுமார் 14 லட்சம் பேரல் கச்சா எண்ணெய் சுத்திகரிப்புச் செய்கிறது.
பெட்ரோல் விலை
இன்றைய பெட்ரோல் விலை நிலவரம் (ஒரு லிட்டர்)
சென்னை: 81.35 ரூபாய் (நேற்றை விலை 81.42 ரூபாய்)
டெல்லி: 78.35 ரூபாய் (நேற்றை விலை 78.42 ரூபாய்)
கொல்கத்தா: 80.98 ரூபாய் (நேற்றை விலை 81.05 ரூபாய்)
மும்பை: 86.16 ரூபாய் (நேற்றை விலை 86.23 ரூபாய்)
டீசல் விலை
இன்றைய டீசல் விலை நிலவரம் (ஒரு லிட்டர்)
சென்னை: 73.12 ரூபாய் (நேற்றை விலை 73.17 ரூபாய்)
டெல்லி: 69.25 ரூபாய் (நேற்றை விலை 69.30 ரூபாய்)
கொல்கத்தா: 71.80 ரூபாய் (நேற்றை விலை 71.85 ரூபாய்)
மும்பை: 73.73 ரூபாய் (நேற்றை விலை 73.78 ரூபாய்)
..." data-gal-src="http:///img/600x100/2018/05/kaalarajini-1527747727.jpg">