ஏற்றுமதியாளர்கள் மற்றும் வங்கிகள் இன்று அதிகளவிலான டாலரை இந்திய சந்தையில் விற்பனை செய்த காரணத்தால் இன்று காலை நாணய சந்தையில் அமெரிக்க டாலருக்கு எதிரான இந்திய ரூபாயின் மதிப்பு 21 பைசா உயர்ந்து 66.85 ரூபாய்க்கு வர்த்தகம் செய்யப்படுகிறது.

மேலும் ரிசர்வ் வங்கியின் நடப்பு நிதியாண்டின் 2வது இருமாத நாணய கொள்கை வருகிற ஜூன் 4-6 தேதிகளில் நடைபெறும் காரணத்தால் தற்போது இந்திய சந்தையில் அதிகளவிலான முதலீடுகள் குவிந்து வருகிறது. இதன் காரணமாக இன்றைய வர்த்தகத்தில் அமெரிக்கா டாலருக்கு எதிரான இந்திய ரூபாயின் மதிப்பு ஒரு மாத உயர்வான 66.85 ரூபாய் என்ற நிலையை அடைந்துள்ளது.

மேலும் அமெரிக்காவில் புதிய வேலைவாய்ப்புகள் எண்ணிக்கை அதிகரித்துள்ள காரணத்தாலும், நாணய சந்தையில் இருக்கும் பிற முக்கிய நாணயங்களின் மதிப்பும் இன்று அதிகரித்துள்ளது.

இதேபோல் வெள்ளிக்கிழமை வர்த்தகத்திலும் அமெரிக்க டாலருக்கு எதிரான இந்திய ரூபாயின் மதிப்பு 35 பைசா அதிகரித்தது குறிப்பிடத்தக்கது.

நாணய மதிப்பு

1 அமெரிக்க டாலர் (USD) - 67.03 ரூபாய்
1 யூரோ (EURO) - 78.39 ரூபாய்
1 பிரிட்டன் பவுண்ட் (GBP) - 89.61 ரூபாய்
1 ஏமிரேட் திராஹாம் (AED) - 18.25 ரூபாய்
1 சவுதி ரியால் (SAR) - 17.87 ரூபாய்