இரகசியம்

வெஜிட்டேரியன் பிரைடு சிக்கன் உற்பத்திக்கான பணிகள் துவக்க நிலையில் உள்ளதாகவும் அதில் என்னவெல்லாம் உபயோகப்படுத்த உள்ளோம் என்பது இரகசியமாகக் காக்கப்படும் என்றும் கேஎப்சி நிர்வாகம் தெரிவித்துள்ளது.

வெஜிட்டேரியன் பிரைடு சிக்கன் எப்போது அறிமுகம் செய்யப்படும்?

2018-ம் ஆண்டு இறுதிக்குள் இந்த வெஜிட்டேரியன் பிரைடு சிக்கன் வகையினை வடிவமைத்துச் சோதனை முயற்சி செய்யப்படும் என்றும் 2019-ம் ஆண்டுச் சந்தை தேவைக்கு ஏற்றவாறு அனைத்துக் கடைகளிலும் அறிமுகம் செய்யப்படும் என்றும் கேஎப்சி நிர்வாகத்தின் செய்தி தொடர்பாளர் பகிர்ந்துகொண்டார்.

பிரிட்டிஷ்

பிரிட்டிஷ் அரசு அதிகக் கலோரி உள்ள உணவு வகை மீது வரியினை உயர்த்திய காரணத்தினால் கேஎப்சி நிறுவனம் மாமிசங்கள் மட்டும் இல்லாமல் சைவ உணவுகளையும் அறிமுகம் செய்வதாகவும் கூறப்படுகிறது.

கேஎப்சி இங்கிலாந்து அறிக்கை

கேஎப்சி இங்கிலாந்து வெளியிட்டுள்ள அறிக்கையின் படி தங்களது உணவு வகைகளில் உள்ள 20 சதவீத கலோரியினை 2024-ம் ஆண்டுக்குள் குறைக்க இருப்பதாகவும் தெரிவித்துள்ளது.

மெக் டொனால்ட்

கேஎப்சி-ன் போட்டி நிறுவனமான மெக் டொனால்ட் 2017-ம் ஆண்டு மெக்வீகன் பர்கர் என்ற உணவை தங்களது ரெஸ்டாரண்ட்களில் அறிமுகம் செய்தது மட்டும் இல்லாமல் அதற்கு நல்ல வரவேற்பினையும் பெற்றுள்ளது.

அதிகரித்து வரும் சைவ உணவு பிரியர்கள்

பிரட்டனில் கடந்த 6 ஆண்டுகளாக மாமிசத்திற்கு மாற்றான உணவுகள் மீதான தேவையும் அதிகரித்து வருகிறது என்று சமீபத்திய ஆய்வு கூறுகிறது. 2012-ம் ஆண்டு 239.5 மில்லியன் டாலரினை மாமிச மாற்று உணவுகளில் பிரிட்டன் மக்கள் செலவு செய்த நிலையில் 2017-ம் ஆண்டு அது 372.1 மில்லியன் டாலர்களாக உயர்ந்துள்ளது.