முகேஷ் அம்பானி வீட்டில் ஏற்கனவே ஆகாஷ் அம்பானி, ஈஷா அம்பானி திருமணச் செய்திகளால் மகிழ்ச்சியின் உச்சத்தில் இருக்கிறது.

இக்கொண்டாட்டத்தை மேலும் சிறப்பிக்கும் வகையில் ரிலையன்ஸ் குழுமத்தின் முக்கிய வர்த்தகப் பிரிவாக விளங்கும் ரிலையன்ஸ் ஜியோ இன்போகாம் மற்றும் ரிலையன்ஸ் ரீடைல் நிறுவனங்களின் நிர்வாகத் தலைவராக இருக்கும் முகேஷ் அம்பானியின் ஓரே மகளான ஈஷா அம்பானி உலகப் புகழ்பெற்ற ஸ்டான்போர்டு பிசினஸ் பள்ளியில் இருந்து எம்பிஏ பட்டம் பெற்றுள்ளார்.

இக்கல்லூரியின் 127வது பட்டமளிப்பு விழாவில் சுமார் 2,460 மாணவர்கள் தங்களது முதுகலைப் பட்டத்தைப் பெற்ற நிலையில் ஈஷா அம்பானியும் இந்தப் பட்டமளிப்பு விழாவில் பட்டம் பெற்றார்.

ரத்தத்தில் பிசினஸ் இருந்தாலும், ஈஷா அம்பானி படிப்பில் கெட்டி, தான் படித்துக்கொண்டு இருந்த போதே ஸ்டான்போர்டு நர்சரியில் ஆசிரியராகப் பணியாற்றினார்.

மேலும் ஈஷா அம்பானி தற்போது பிராமல் குழுமத்தின் தலைவரான ஆனந்த் பிராமல்-ஐ திருமணம் செய்துகொள்ளப் போகிறார்.