கூகிள் நிறுவனத்தின் மாஸ்டர் பிளான்.. ஆடிப்போன ஈகாமர்ஸ் நிறுவனங்கள்..!

இந்தியா

இந்திய ஈகாமர்ஸ் சந்தையில் அமேசான் நிறுவனத்தை விரட்டியடிக்க ஏற்கனவே பிளிப்கார்ட், மைக்ரோசாப்ட், ஈபே கூட்டணியில் தற்போது வால்மார்ட் இணைந்துள்ளது. இந்நிலையில் கூகிளின் தாய் நிறுவனமான ஆல்பபெட்-உம் இக்கூட்டணியில் சேர திட்டமிட்டுள்ளது.

இக்கூட்டணியில் சேர்வதன் மூலம் கூகிள் உலகிலேயே அதிக இண்டர்நெட் வாடிக்கையாளர்களைக் கொண்ட இந்தியாவில் நுழையும்.

சீனா

இந்தியாவிற்கு அடுத்தபடியாகச் சீனாவில் தான் அதிக இண்டர்நெட் வாடிக்கையாளர்கள் உள்ளனர்.

சீனாவில் ஏற்கனவே கூகிள் தனது தேடல் தள வர்த்தகத்தில் தோல்வியைச் சந்தித்துள்ள நிலையில் தற்போது ஈகாமர்ஸ் துறையில் நுழைய முடிவு செய்துள்ளது.

JD.com

சீனாவின் முன்னணி ஈகாமர்ஸ் வர்த்தகத் தளமான JD.com நிறுவனத்தில் ஆல்பபெட் சுமார் 550 மில்லியன் டாலர் அளவிலான முதலீட்டை செய்துள்ளது.

JD.com நிறுவனத்தின் கிளாஸ் ஏ பங்குகளை 20 டாலர் மதிப்பில் வாங்கியுள்ளது. அமெரிக்க வைப்பில் (ADS) இதன் மதிப்பு 41 டாலர் என்பது குறிப்பிடத்தக்கது.

விரிவாக்கம்

ஆல்பபெட் மற்றும் JD.com கூட்டணி பல்வேறு ஈகாமர்ஸ் சேவைகளை அமெரிக்கா, ஐரோப்பா மற்றும் தென்கிழக்கு ஆசிய பகுதிகளிலும் விரிவாக்கம் செய்யத் திட்டமிட்டுள்ளது.

இதன் கூகிள் நிறுவனத்தின் வாடிக்கையாளர் மற்றும் வர்த்தக அளவு அதிகளவில் உயரும் எனத் தெரிகிறது.

பிரான்ஸ்

சில வாரங்களுக்கு முன்பு ஆல்பபெட், பிரான்ஸ் நாட்டின் மளிகை மற்றும் உணவுப் பொருட்களை விற்பனை செய்யும் Carrefour என்னும் ஈகாமர்ஸ் நிறுவனத்தை வாங்கியது.

இதன் மூலம் பிரான்ஸ் நாட்டின் உள்ள மக்கள் தங்களது ஸ்மார்ட்போன், டேப்லெட் என அனைத்து இயந்திரங்களின் வாயிலாகக் கூகிள் சேவையைப் பயன்படுத்திப் பொருட்களை வாங்க முடியும்.

முக்கியத் திட்டம்

தற்போது JD.Com நிறுவனத்தின் லாஜிஸ்டிக்ஸ் மற்றும் சப்ளை செயின் சேவையைக் கூகிள் பயன்படுத்தி அமெரிக்கா, ஐரோப்பா மற்றும் ஆசிய நாடுகளில் விரிவாக்கம் செய்யும்.