கட்டண குறைப்பு

அமெரிக்க இ-காமர்ஸ் நிறுவனமான அமேசான் விற்பனையாளர்கள் கட்டணம் எனப்படும் பரிந்துரை கட்டணங்களைச் சில பிரிவுகளில் 8 சதவீதம் வரையிலும், ஆடை ஆபரணங்கள் பிரிவுகளில் 20 சதவீதத்தில் இருந்து 15 சதவீதமாகவும், மரச்சாமான்கள் பிரிவில் 14 சதவீதத்தில் இருந்து 12 சதவீதமாகவும் பரிந்துரை கட்டங்களைக் குறைத்துள்ளது.

பரிந்துரை கட்டணங்கள் என்றால் என்ன?

பரிந்துரை கட்டணம் என்பது ஒரு பொருளின் மொத்த விலையில் வணிகர்களால் அமேசானுக்குச் செலுத்தப்பட்டு வந்த கட்டணம் ஆகும். இதில் பேக்கேஜ் மற்றும் டெலிவரி கட்டணங்களும் அடங்கும் என்றும் அமேசான் தெரிவித்துள்ளது.

பிளிப்கார்ட்

அமேசான் மட்டும் இல்லாமல் அன்மையில் பிளிப்கார்ட் நிறுவனமும் தங்களது பரிந்துறை கட்டணங்களைக் குறைத்துள்ளது.

இ-காமர்ஸ் சந்தை

பிளிப்கார்ட் நிறுவனத்தினை வால்மார்ட் வாங்கியதை அடுத்து அமேசான் நிறுவனம் செய்துள்ள இந்த விற்பனையாளர்கள் கட்டண குறைப்பு என்பது இ-காமர்ஸ் சந்தையில் மிக முக்கியமான ஒன்றாகப் பார்க்கப்படுகிறது.

எதிர்ப்பைச் சாதகமாக்கும் அமேசான்

வால்மார்ட்-பிளிப்கார்ட் இணைவிற்குப் பிறகு வணிகர்களிடம் மிகப் பெரிய எதிர்ப்பைச் சந்தித்து வரும் நிலையில் அவர்களைக் கவரும் விதமாகவும் அமேசானின் அறிவிப்பு உள்ளது.

வாடிக்கையாளர்களுக்கு ஜாக்பாட்

அமேசானின் விற்பனையாளர் கட்டண குறைப்பினால் விற்பனையாளர்கள் தங்களது பொருட்களின் விலையினைக் குறைப்பார்களே ஆனால் வாடிக்கையாளர்களும் அதிகளவில் பயன்பெறுவார்கள் என்பதில் எந்த அய்யமும் இல்லை.