வேலைவாய்ப்பு தேடல் இணையதளமான Naukri.com இந்தியாவின் வேலை வாய்ப்பு சந்தை 2017 ஏப்ரல் மாதத்துடன் ஒப்பிடும் போது 2018-ன் ஏப்ரல் மாதத்தில் 21 சதவீத வளர்ச்சியினைப் பெற்றுள்ளதாகத் தெரிவித்துள்ளது.
அதே நேரம் ஐடி மையங்களான சென்னை மற்றும் ஹைதராபாத்தின் வேலை வாய்ப்பு வளர்ச்சி பிற நகரங்களுடன் ஒப்பிடும் போது 13 சதவீதம் எனக் குறைந்த அளவிலான வளர்ச்சியினை மட்டுமே பெற்றுள்ளதாகவும் குறிப்பிட்டுள்ளது.
மும்பை
இந்தியாவின் நிதி நகரமான மும்பை சென்னை மற்றும் ஹைதராபத் உடன் ஒப்பிடும் போது சற்று அதிகம் என 14 சதவீத வேலை வாய்ப்பு வளர்ச்சியினைப் பெற்றுள்ளது.
டெல்லி
இந்தியாவின் தலைநகரான டெல்லியில் வேலை வாய்ப்பு வளர்ச்சியானது மும்பையினை விட அதிகம் என 15 சதவீத வளர்ச்சியினைப் பெற்றுள்ளது.
கொல்கத்தா
மெட்ரோ நகரங்களுடன் ஒப்பிடும் போது முதல் இடத்தில் உள்ள கொல்கத்தாவில் சென்ற வருடத்தினை விட அதிகபட்சமாக 38 சதவீத வேலை வாய்ப்பு வளர்ச்சியினைப் பெற்றுள்ளது.
துறை வாரியான அறிக்கை
இந்தியாவில் அதிகபட்சமாக ஆட்டோமொபைல் துறை 31 சதவீத வேலை வாய்ப்பு வளர்ச்சியினையும், டெலிகாம் துறை 25 சதவீதமும், எப்எம்சிஜி துறை 21 சதவீதமும், கட்டுமான துறை 21 சதவீதமும் வளர்ச்சியினைப் பெற்றுள்ளன.
பிபிஓ மற்றும் பார்மா நிறுவனங்கள் 18 சதவீத வளர்ச்சியினைப் பெற்று இருக்கும் நிலையில் ஐடி சேவைகள் துறை 13 சதவீத வளர்ச்சியினைப் பெற்றுள்ளன.
ஐடி துறை
இந்தியாவில் வேகமாக வளர்ந்து வந்து ஐடி துறை எப்போதும் இல்லாத அளவிற்குச் சரிந்து வெறும் 2 சதவீத வேலை வாய்ப்பு வளர்ச்சியினை மட்டுமே பெற்றுள்ளது எனத் தெரிவித்துள்ளது.