பங்குச்சந்தை

வியாழக்கிழமை வர்த்தக முடிவில் ஐசிஐசிஐ வங்கி பங்குகள் 2.8 சதவீதம் சரிந்து 3 மாத சரிவை பதிவு செய்தது, புதன்கிழமை வர்த்தகத்திலும் 2.8 சதவீதம் சரிந்த ஐசிஐசிஐ கடந்த 4 நாட்களில் மட்டும் சுமார் 11 சதவீதம் சரிந்து முதலீட்டாளர்களைச் சோகத்தில் உச்சத்திற்குக் கொண்டு சென்றது.

4 நாட்கள்

இந்த வாரத்தின் 4 நாள் வர்த்தகத்தில் மட்டும் ஐசிஐசிஐ வங்கி பங்குகள் சுமார் 11 சதவீதம் வரை சரிந்ததன் மூலம் இவ்வங்கியின் சந்தை மதிப்பீட்டு 19,066.46 கோடி ரூபாய் வரையில் சரிந்தது.

ஐசிஐசிஐ வங்கியின் தாக்கம் தனியார் வங்கித் துறையில் கணிசமாக இருந்தது குறிப்பிடத்தக்கது.

செபி

மேலும் சந்தா கோச்சார் தலைமையில் ஐசிஐசிஐ வங்கி வீடியோகான் நிறுவனத்திற்கு அளித்த கடனில் அவர் செய்த முறைகேடுகள் குறித்த கார்ப்பரேட் கவர்னஸ் அறிக்கையைச் செபி, ஐசிஐசிஐ வங்கி நிர்வாகத்திடம் கேட்டுள்ளது.

புதிய சிஇஓ

இந்நிலையில் ஐசிஐசிஐ வங்கியின் புதிய தலைமை நிர்வாக அதிகாரியைத் தேடும் பணிகள் வேகமாக நடந்தி வருகிறது.

ஐசிஐசிஐ வங்கி நிர்வாகத்தில் புதிதாக முன்னாள் ஐஏஎஸ் அதிகாரி ஒருவரைக் சேர்க்க உள்ளது இவ்வங்கி நிர்வாகம்.